Weather update: अनेक राज्यात मुसळधार पावसाची शक्यता

आसाममध्ये आठ लाखांहून अधिक लोकांना पुराचा फटका बसला असून 14 जणांचा मृत्यू झाला आहे.
Many states likely to witness heavy rainfall
Many states likely to witness heavy rainfallDainik Gomantak

देशातील अनेक राज्यांची उष्णतेपासून लवकरच सुटका होणार आहे. हवामान खात्यानुसार, पुढील तीन दिवसांत जम्मू-काश्मीर, हिमाचल प्रदेश, उत्तराखंडमध्ये हलका ते मध्यम पाऊस पडू शकतो. त्याचबरोबर येत्या दोन दिवसांत हरियाणा आणि उत्तर प्रदेशमध्ये हलक्या पावसाची शक्यता आहे. या भागांतील कमाल तापमानात तीन ते चार अंश सेल्सिअसने घट होऊ शकते. (Many states likely to witness heavy rainfall)

Many states likely to witness heavy rainfall
'...भाजप नेत्याची अन्नासाठी भटकंती'

दिल्लीचे हवामान

दिल्लीत धुळीचे वादळ आणि पावसाचा हा फेरा 24 मे पर्यंत सुरू राहणार आहे. म्हणजेच पुढील दोन दिवस दिल्लीचे हवामान आल्हाददायक राहणार आहे. हवामान विभागाकडून मिळालेल्या माहितीनुसार, वेस्टर्न डिस्टर्बन्स चक्रीवादळाच्या रूपात तयार होत असल्याचे दिसत आहे. या कारणास्तव, दिल्ली-एनसीआरमध्ये सर्व ठिकाणी हवामानातील बदल दिसून येत आहे.

Many states likely to witness heavy rainfall
राम मंदिरातील गर्भगृहाचे बांधकाम 1 जून पासून होणार सुरू

केरळमधील 10 जिल्ह्यांमध्ये मुसळधार पावसाची शक्यता

केरळमध्ये, किमान 10 जिल्ह्यांमध्ये रविवारपर्यंत मुसळधार पाऊस पडण्याची शक्यता आहे, तिरुअनंतपुरम, कोल्लम, पठानमथिट्टा, अलाप्पुझा, कोट्टायम, एर्नाकुलम, इडुक्की, त्रिशूर, मलप्पुरम आणि कोझिकोड जिल्हे शनिवारी यलो अलर्टवर होते, तर वायनाड आज पिवळ्या अलर्टवर होते.

'या' पाच राज्यांमध्ये पूरसदृश स्थिती

देशातील अशी काही राज्ये आहेत जिथे पावसामुळे पूरसदृश परिस्थिती निर्माण झाली आहे. या राज्यांमध्ये आसाम, कर्नाटक, केरळ, मेघालय आणि मणिपूर यांचा समावेश आहे. या राज्यांमध्ये मुसळधार पावसामुळे अनेक ठिकाणी पाणी साचले आहे. लोकांना घराबाहेर पडणे कठीण झाले आहे. अरबी समुद्रातून वाहणाऱ्या जोरदार चक्री वाऱ्यांमुळे केरळ आणि कर्नाटकमध्ये मुसळधार पाऊस पडत आहे.

आसाममध्ये 8 लाखांहून अधिक लोकांना पुराचा फटका बसला

आसाममध्ये आठ लाखांहून अधिक लोकांना पुराचा फटका बसला असून 14 जणांचा मृत्यू झाला आहे. त्याचबरोबर जमुनामुख जिल्ह्यातील दोन गावातील 500 हून अधिक कुटुंबे रेल्वे रुळांवर राहत आहेत. 1413 गावांमध्ये पुराचे पाणी शिरले आहे. पुराचा सर्वाधिक फटका बसलेला जिल्हा म्हणजे नौगाव, जिथे 2.88 लाख लोक या धोक्याचा सामना करत आहेत. राष्ट्रीय आपत्ती व्यवस्थापन दल, लष्कर आणि आसाम रायफल्सचे जवान मदत आणि बचाव कार्यात सहभागी आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com