Money Laundering Case: राहुल गांधींना ईडीने उद्या पुन्हा बोलावले

अंमलबजावणी संचालनालयाने (ईडी) सोमवारी काँग्रेसचे माजी अध्यक्ष राहुल गांधी यांची पुन्हा चौकशी केली. मात्र, आता त्यांना मंगळवारी पुन्हा एकदा समन्स बजावण्यात आले आहे.
Money Laundering Case: राहुल गांधींना ईडीने उद्या पुन्हा बोलावले
Rahul GandhiDainik Gomantak

Money Laundering Case: कथित मनी लाँड्रिंग प्रकरणात गेल्या आठवड्यात सलग तीन दिवस चौकशी केल्यानंतर अंमलबजावणी संचालनालयाने (ईडी) सोमवारी काँग्रेसचे माजी अध्यक्ष राहुल गांधी यांची पुन्हा चौकशी केली. मात्र, आता त्यांना मंगळवारी पुन्हा एकदा समन्स बजावण्यात आले आहे.

दरम्यान, राहुल गांधी (Rahul Gandhi) मध्य दिल्लीतील एपीजे अब्दुल कलाम रोडवर असलेल्या ईडी मुख्यालयात सकाळी 11.05 च्या सुमारास सीआरपीएफ जवानांच्या "झेड+" श्रेणीच्या सुरक्षेसह पोहोचले होते. एक दिवस आधी राहुल गांधींचा 52 वा वाढदिवस होता. दुसरीकडे, सोनिया गांधी यांना आज रुग्णालयातून डिस्चार्ज देण्यात आला आहे.

Rahul Gandhi
Money Laundering Case: मंत्री सत्येंद्र जैन रुग्णालयात दाखल

तसेच, केंद्रीय तपास संस्थेच्या कार्यालयाभोवती पोलिस आणि निमलष्करी दलाचे कर्मचारी मोठ्या संख्येने तैनात करण्यात आले आहेत. त्याचबरोबर या परिसरात कलम 144 अंतर्गत प्रतिबंधात्मक आदेश लागू आहेत. दुपारी साडेतीन वाजता राहुल गांधी ईडी कार्यालयातून जेवणासाठी बाहेर आले आणि सुमारे तासाभरानंतर पुन्हा ईडी (ED) कार्यालयात पोहोचले.

दुसरीकडे, 52 वर्षीय राहुल गांधी यांची ईडी अधिकाऱ्यांनी गेल्या आठवड्यात सोमवार, मंगळवार आणि बुधवारी सलग तीन दिवस 30 तासांहून अधिक काळ चौकशी केली होती. ज्यादरम्यान मनी लाँडरिंग प्रतिबंधक कायद्यांतर्गत (पीएमएलए) त्यांचे जबाब नोंदवण्यात आले होते.

Rahul Gandhi
पंतप्रधानांनी देशातील तरुणांना बेरोजगारीचा अग्निपाथ दाखवला - राहुल गांधी

कोणते प्रश्न विचारले गेले?

काँग्रेस अध्यक्षा सोनिया गांधी (Sonia Gandhi) यांना कोरोनाची लागण झाल्यामुळे रुग्णालयात दाखल करण्यात आले आहे. याच प्रकरणी ईडीने 23 जून रोजी सोनिया गांधी यांना समन्स बजावले आहे. राहुल गांधींना 'यंग इंडियन'ची स्थापना, 'नॅशनल हेराल्ड' चालवणे आणि काँग्रेसने असोसिएटेड जर्नल्स लिमिटेड (एजेएल) ला दिलेली कर्जे आणि मीडिया संस्थेमध्ये निधी हस्तांतरित करण्यासंबंधी प्रश्न विचारण्यात आल्याचे समजते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com