Viral video : गुजरातधील एका गावात माजी सरपंचाने पुतण्याच्या लग्नाच्या वरातीत चक्क 100, 500 रुपयांच्या अनेक नोटांची बरसात केल्याचा व्हिडिओ सोशल मिडीयावर व्हायरल झाला आहे. या नोटा गोळा करण्यासाठी रस्त्यावर झुंबड उडाली होती.
गुजरातच्या मेहसाणा जिल्ह्यातील अंगोल या गावचे माजी सरपंच घराच्या खाली जमलेल्या जमावावर 100 ते 500 रुपयांच्या नोटांचा वर्षाव करताना दिसून आले. वृत्तसंस्थेच्या वृत्तानुसार, अंगोलचे सरपंच करीम यादव यांचा पुतण्या रझाक यांच्या लग्नाचा एक भाग म्हणून वरातीत पैसे फेकले गेले.
माजी सरपंच करीम यादव यांच्या पुतण्याच्या लग्नाची वरात सुरु होती. माजी सरपंच आणि त्यांचे कुटुंबीय गच्चीवर गेले आणि वरातीमधील जमावावर पैशे फेकले. या नोटा गोळा करण्यासाठी रस्त्यावर झुंबड उडाली होती.
अधिकाधिक नोटा मिळवण्याच्या नादात लोकांनी एकमेकांना धक्काबुक्कीही केली. यावेळी बॅकग्राऊंडमध्ये जोधा अकबरमधील ‘अझीम-ओ-शान शहेनशाह’ हे बॉलिवूडमधील गाणे वाजत आहे.
जेसीबीमध्ये बसविण्यात आलेल्या रज्जाकची वरात लग्नमंडपात आली तेव्हा सर्वांनी त्यांचे जंगी स्वागत केले. सोशल मीडियावर या व्हिडिओने अनेकांना चकित केले असताना, नोटा आणि दागिन्यांचा वर्षाव ही गुजरातमध्ये नित्याचीच घटना आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
