Monsoon Update: देशातून मान्सून परतीच्या वाटेवर, मात्र काहीं राज्यात पाऊस सुरूच

गेल्या अनेक दिवसांपासून बरसणारा मॉन्सून (Monsoon Update) आता देशाच्या बहुतांश भागातून परतला आहे.
Monsoon Update: देशातून मान्सून परतीच्या वाटेवर, मात्र काहीं राज्यात पाऊस सुरूच
Monsoon Update: Monson returned from IndiaDainik Gomantak

गेल्या अनेक दिवसांपासून बरसणारा मॉन्सून (Monsoon Update) आता देशाच्या बहुतांश भागातून परतला आहे. आणि आता फक्त ओडिशाचा फक्त एक छोटासा भाग, ईशान्य भारताचा काही भाग आणि दक्षिण महाराष्ट्र या भागांत पाऊस पडू शकतो . शास्त्रज्ञांच्या मते, मान्सूनने या वेळी परतीला विलंब केला आहे. 17 सप्टेंबरच्या सामान्य तारखेच्या तुलनेत मान्सूनने या वर्षी 6 ऑक्टोबरपासून माघार घेण्यास सुरुवात केली परंतु जेव्हा ते परत जायला लागले तेव्हा मॉन्सूनमध्ये वाढ झाली आहे. (Monsoon Update: Monson returned from India)

मान्सून परतीबद्दल बोलताना राष्ट्रीय हवामान अंदाज केंद्राचे प्रमुख म्हणाले की, जेव्हा मॉन्सून परतीची रेषा 15 अंश अक्षांशापर्यंत पोहोचते तेव्हा मान्सूनची माघार पूर्ण होते. आणि आपण आता परतीच्या अगदी जवळ आहोत. त्यात आता फक्त गोवा, महाराष्ट्र आणि ईशान्येकडील फारच लहान भाग शिल्लक आहे. अरबी समुद्र आणि बंगालच्या उपसागरावर दोन कमी दाबाचे क्षेत्र निर्माण झाले आहेत, जे मध्य आणि पूर्व भारताच्या काही भागात पाऊस आणतील, परंतु मान्सूनच्या पावसाचे वर्गीकरण केले जाऊ शकत नाही.

मान्सून परतल्यावर, उत्तरेकडील सपाट भाग हिवाळ्याच्या प्रारंभासाठी तयार होतात, तथापि, अलिकडच्या वर्षांत याचा अर्थ वायू प्रदूषणात वाढ देखील आहे. यावर बोलताना एका तज्ज्ञाने सांगितले की शुक्रवारपर्यंत मान्सून पूर्णपणे माघार घेईल पण, देशाच्या काही भागात पाऊस सुरू राहू शकतो. पुढील २४ तासांत मान्सून पूर्णपणे माघार घेण्याची शक्यता आहे. पण उत्तर पाकिस्तानवर पश्चिमी विक्षोभ आणि ओडिशा किनाऱ्याजवळील कमी दाबाचे क्षेत्र जे आत सरकेल.त्यामुळे काहीप्रमाणात पाऊस बरसण्याची शक्यता आहे.

Monsoon Update: Monson returned from India
देशात लवकरच 6G येणार?

त्याचबरोबर हवामान खात्याचे म्हणणे आहे की उत्तर प्रदेश आणि दिल्ली एनसीआरमध्ये विखुरलेला पाऊस आणि हिमाचल प्रदेश आणि उत्तराखंडमध्ये शनिवार आणि सोमवार दरम्यान मुसळधार पाऊस पडण्याची शक्यता आहे. पाऊस थांबल्यानंतर, किमान तापमान वायव्य भारतात कमी होण्याची शक्यता आहे, तर ईशान्य मान्सून द्वीपकल्प भारतामध्ये दाखल झाला आहे. अशा परिस्थितीत उत्तर पश्चिम भारतातील प्रदूषणाची पातळी वाढण्याची अपेक्षा आहे.

दरम्यान मागील काही दिवसांत केरळच्या अनेक भागात मुसळधार पाऊस पडला आहे .केरळच्या जवळपास 6 उत्तर जिल्ह्यांमध्ये ऑरेंज अलर्ट जरी करण्यात आला आहे. या साऱ्या भागात हवामान खात्याच्या मते, 16 ऑक्टोबरपर्यंत पावसाची शक्यता आहे. खरं तर, हवामान खात्याचे म्हणणे आहे की लक्षद्वीप क्षेत्रात अरबी समुद्रात कमी दाबाचे क्षेत्र तयार झाल्यामुळे दक्षिणेकडील राज्यांसह केरळच्या अनेक भागात गुरुवारपासून सुरू होणारा पाऊस शुक्रवार आणि शनिवारीही सुरूच राहील .

Related Stories

No stories found.
Dainik Gomantak | दैनिक गोमन्तक
www.dainikgomantak.com