नवी दिल्‍ली,
संस्कृती मंत्रालय आणि भारतीय पुरातत्व सर्वेक्षण विभाग (एएसआय) यांनी सुरक्षा प्रोटोकॉलचे काटेकोरपणे पालन करत 6 जुलै 2020 पासून सर्व केंद्रीय संरक्षित स्मारके उघडण्याचा निर्णय घेतला आहे, असे केंद्रीय सांस्कृतिक आणि पर्यटन राज्यमंत्री (स्वतंत्र प्रभार), प्रल्हाद सिंह पटेल यांनी जाहीर केले. ते म्हणाले की, केवळ बिगैर-प्रतिबंधित क्षेत्रातील स्मारके/संग्रहालये पर्यटकांसाठी खुली असतील. सर्व केंद्रीय संरक्षित स्मारके आणि स्थळांना गृह मंत्रालय आणि आरोग्य व कुटुंब कल्याण मंत्रालयाने जारी केलेल्या स्वच्छता, शारीरिक अंतर आणि इतर आरोग्य मार्गदर्शक तत्वांचे काटेकोरपणे पालन करणे बंधनकारक असेल. राज्य आणि / किंवा जिल्हा प्रशासनाच्या कोणत्याही विशिष्ट आदेशांची काटेकोरपणे अंमलबजावणी केली जाईल, असेही ते म्हणाले.
कोविड-19 साथीच्या आजाराच्या पार्श्वभूमीवर ही स्मारके बंद करण्यात आली होती. एकूण 3691 केंद्रीय संरक्षित स्मारके एएसआय अंतर्गत येतात, त्यापैकी प्रार्थनास्थळे असलेली एएसआयची 820 केंद्रीय संरक्षित स्मारके 8 जून 2020 पासूनच सुरु करण्यात आली आहेत
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.