बंगालमध्ये भाजपला मोठा धक्का, खासदार अर्जुन सिंह टीएमसीमध्ये दाखल

पश्चिम बंगालमध्ये भारतीय जनता पक्षाला मोठा धक्का बसला आहे.
MP Arjun Singh
MP Arjun SinghDainik Gomantak

पश्चिम बंगालमध्ये भारतीय जनता पक्षाला मोठा धक्का बसला आहे. बराकपूरचे खासदार अर्जुन सिंह (MP Arjun Singh) यांनी रविवारी मुख्यमंत्री ममता बॅनर्जी यांच्या नेतृत्वाखालील तृणमूल काँग्रेसमध्ये प्रवेश केला. टीएमसीचे राष्ट्रीय सरचिटणीस अभिषेक बॅनर्जी यांनी त्यांना कोलकाता येथे पक्षात प्रवेश मिळवून दिला.

दरम्यान, बंगालमधील बराकपूरचे भाजप खासदार अर्जुन सिंग यांच्या अलीकडील ट्विटमुळे ते पक्षात असमाधानी असल्याच्या कयासांना चालना मिळाली होती. अर्जुन सिंह यांनी अलीकडेच पश्चिम बंगालमधील (West Bengal) भाजप नेतृत्वावर पक्षात वरिष्ठ पदावर राहूनही ते योग्य पद्धतीने काम करु देत नसल्याची टीका केली होती.

MP Arjun Singh
World Bank ने बंगाल सरकारला दिले 1000 कोटींचे कर्ज, यावर करावा लागणार खर्च

तसेच, अर्जुन सिंह 2001 मध्ये टीएमसीचे आमदार म्हणून विधानसभेत पोहोचले होते. त्यानंतर 2019 च्या लोकसभा निवडणुकीत त्यांनी भाजपमध्ये (BJP) प्रवेश केला. पक्षाने बराकपूरमधून तिकीट दिले आणि ते खासदार झाले. तब्बल तीन वर्षांनंतर ते पुन्हा एकदा जुन्या पक्षात गेले आहेत. अर्जुन सिंह यांची राजकीय कारकीर्द काँग्रेस (Congress) पक्षापासून सुरु झाली. नंतर टीएमसीमध्ये सामील झाले आणि आमदारही झाले.

अभिषेक बॅनर्जी यांनी ट्विट करत म्हटले की, "भाजपला नाकारत TMC मध्ये सामील झालेल्या अर्जुन सिंहांचे हार्दिक स्वागत आहे. देशभरातील लोक त्रस्त आहेत. त्यांना आता आमची गरज आहे. चला लढा चालू ठेवूया.''

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com