ड्रग्ज प्रकरणी नवाब मलिकांचा एनसीबीवर जोरदार हल्ला

शाहरुख खानच्या मुलाला एका क्रूझवरुन एनसीबीच्या अधिकाऱ्यांनी अमली पदार्थाच्या सेवनासंबंधी ताब्यात घेतले होते.
ड्रग्ज प्रकरणी नवाब मलिकांचा एनसीबीवर जोरदार हल्ला
Nawab MalikDainik Gomantak

देशात राजीव गांधी पंतप्रधान असताना 30 ऑगस्ट 1985 एनडीपीएस कायदा पारीत करण्यात आला. 16 सप्टेंबर 1985 मध्ये या कायद्यास मंजूी दिली. मुख्य म्हणजे या कायद्याचा उद्देश देशात नशामुक्ती करण्याचा होता. त्यानुसार एनसीबीची स्थापना करण्यात आली. त्याचवेळी राज्यांनाही त्यासंबंधीचे अधिकार देण्यात आले. मागील 36 वर्षापासून ही यंत्रणा काम करत आहे. देशातील सगळे राजकिय पक्ष या एजन्सीचा आदर करतात. मागील एक वर्षापासून एनसीबीच्या कारवाया मुंबईमध्ये वाढल्या आहेत. सुशांत प्रकरणाच्या चौकशीपासून मुबंईतील एनसीबी कार्यालय चांगलेच प्रकाशाझोतामध्ये आले. बॉलिवूड कलाकारांना एनसीबी अधिकाऱ्यांकडून ड्रग्ज प्रकारणात सातत्याने बोलवून त्यांची चौकशी केली. मात्र आता एनसीबीची भूमिका संशयास्पद असल्याचे समोर येत आहे.

यातच बॉलिवूडचा किंग खान म्हणून ओळखल्या जाणाऱ्या शाहरुख खानच्या मुलाला एका क्रूझवरुन एनसीबीच्या अधिकाऱ्यांनी अमली पदार्थाच्या सेवनासंबंधी ताब्यात घेतले. दरम्यान आर्यन आणि आरबाजला क्रूझवरुन मनिष भानुशाली, के. पी गोसावी या प्रॉड एनसीबी अधिकाऱ्यानी ताब्यात एनसीबीकार्यालयाकडे घेऊन जाताना या व्हिडिओमध्ये दिसत आहे. मात्र मनिष भानुशाली हा भाजपचा पदाधिकारी असल्याचा मोठा खुलासा राष्ट्रवादी कॉंग्रेसचे प्रवक्ते नवाब मलिक यांनी केला आहे. आर्यनला हा अज्ञात प्रॉड एनसीबी अधिकारी कसा काय घेऊन जात आहे, असा सवाल ही यावेळी त्यांनी उपस्थित केला आहे.

Nawab Malik
Mumbai Drug Case: मध्यरात्री NCB ची छापेमारी, एकाला अटक

तसेच, ''विशेष म्हणजे मनिष भानुशाली आणि के. पी. गोसावी यांचा फोटो देशाचे पंतप्रधान नरेंद्र मोदी, केंद्रीय गृहमंत्री अमित शहा यांच्याबरोबर दिसत आहेत. त्याचबरोबर मनिष भानुशाली २२ तारखेला दिल्लीतील भाजप नेत्यांबरोबर होते. त्यानंतर तो गुजरातमधील भाजप नेत्यांबरोबर दिसला आहे. त्यामुळे हा भानुशाली भाजपचा कोणता पदाधिकारी आहे हे आम्हाला आता जाणून घ्यायचे आहे. तसेच अरबाज आणि आर्यन यांच्यावर भानुशाली आणि गोसावी यांनी का कारवाई केली हे ही एनसीबीने सांगावे. अधिकारी या प्रॉड व्यक्तींच्या माध्यमातून खंडणी वसूल करत आहेत हे ही एनसीबी अधिकाऱ्यांनी सांगावे,'' असही मलिक यावेळी म्हणाले.

Related Stories

No stories found.