काश्‍मिरी पंडिताला दिला मुस्लिमांनी खांदा
श्रीनगर : हिमवृष्टीमुळे वाहतुक व्यवस्था ठप्प पडलेली असताना दवाखान्यात निधन झालेल्या एका काश्‍मीर पंडितांचा मृतदेह अंत्यसंस्कारासाठी गावाकडे नेणे अशक्य झाले होते. अशावेळी शोपियॉंतील स्थानिक मुस्लिमांनी खांदा देत सुमारे आठ ते दहा किलोमीटर वाटचाल करत तो मृतदेह गावी पोहोचवल्याचा प्रकार नुकताच घडला.
काश्‍मीर पंडित भास्कर नाथ (वय ६०) यांच्यावर श्रीनगर येथे एसकेआयएमएस रुग्णालयात उपचार सुरू होते. परंतु मूत्रपिंड निकामी झाल्याने त्यांचे निधन झाले. त्यांचा मृतदेह शोपियॉं जिल्ह्यातील पारगोची गावात न्यायचा होता. त्यासाठी रुग्णवाहिका बोलविण्यात आली.
मात्र बर्फ असल्याने शोपियॉंतून गावाकडे रुग्णवाहिका नेणे अशक्य झाले. त्यामुळे रुग्णवाहिका चालकाने शहरातील कुटुंबीयास फोन केला. त्यांनी स्थानिक मुस्लिमांना या प्रकाराची माहिती दिली. त्यानुसार काही जण रुग्णवाहिकेकडे आले आणि त्यांनी पंडितांचा मृतदेह खांद्यावर घेत पारगोची गावी नेला.
हिमवृष्टीतही अंत्यसंस्कार करणे कठीण बाब होती. परंतु हिंदू पद्धतीनुसार स्थानिकांनी सोय करत भास्कर नाथ यांच्यावर अंत्यसंस्कार केले. त्यांच्या पश्‍चात मुलगा आणि दोन मुली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.