भारताची एक इंच जमीनही कोणाला बळकावू देणार नाही :  संरक्षणमंत्री राजनाथ सिंह

गोमंतक वृत्तसेवा
सोमवार, 26 ऑक्टोबर 2020

पूर्वेकडील लडाखमध्ये चीनबरोबर सुरू असलेल्या तणावाचा शेवट व्हावा अशी भारताची इच्छा आहे, परंतु भारतीय सैनिक देशाचा एक इंच भागही कोणालाही बळकावू देणार नाही, असे  दार्जिलिंग येथील सुकना वॅार मेमोरियल येथे दसऱ्यानिमित्त शस्त्र पूजा केल्यानंतर  संरक्षणमंत्री राजनाथ सिंह यांनी सांगितलं.

नथुला पास: पूर्वेकडील लडाखमध्ये चीनबरोबर सुरू असलेल्या तणावाचा शेवट व्हावा अशी भारताची इच्छा आहे, परंतु भारतीय सैनिक देशाचा एक इंच भागही कोणालाही बळकावू देणार नाही, असे  दार्जिलिंग येथील सुकना वॅार मेमोरियल येथे दसऱ्यानिमित्त शस्त्र पूजा केल्यानंतर  संरक्षणमंत्री राजनाथ सिंह यांनी सांगितलं.

संरक्षणमंत्री म्हणाले, "मी आत्मविश्वासाने सांगू शकतो की भारतीय सैनिकांचे धैर्य आणि कर्तव्ये इतिहासकारांकडून सुवर्ण अक्षरात लिहिली जातील. चीनबरोबर सुरू असलेल्या सीमा तणाव आणि शांतता प्रस्थापित व्हावी, अशी भारताची इच्छा आहे. हे आमचे उद्दीष्ट आहे. परंतु, काही वेळा काही वाईट घटना घडतच राहतात. मला खात्री आहे की आमचे सैनिक कधीही आपली एक इंच जमीनही कोणाला बळकावू देणार नाहीत".

यावेळी लष्करप्रमुख जनरल मनोज नरवणे हेदेखील उपस्थित होते. पूजा झाल्यानंतर त्यांनी सीम रस्ता संघटनेने (बीआरओ) व्हिडिओ कॉन्फरन्सद्वारे तयार केलेल्या सिक्कीममधील रस्त्याचे उद्घाटन केले. मागील महामार्गाचे नैसर्गिक धोक्यांमुळे मोठ्या प्रमाणात नुकसान झाल्यामुळे राष्ट्रीय महामार्ग 310 चे 19.85 कि.मी. पर्यायी संरेखन आवश्यक होते, असे संरक्षण मंत्रालयाने एका निवेदनात म्हटले आहे.

संबंधित बातम्या