Khushabu Sundar: जे सांगितले त्याची लाज वाटत नाही... वडिलांकडून लैंगिक शोषणाबाबत भाजप नेत्याचे वक्तव्य

जयपूरमधील कार्यक्रमात केला होता धक्कादायक खुलासा
Khushabu Sundar
Khushabu SundarDainik Gomantak

Khushabu Sundar: पुर्वाश्रमीच्या अभिनेत्री आणि सध्या भाजपमध्ये सक्रीय असलेल्या नेत्या खुशबु सुंदर यांनी नुकतेच जयपूर येथे मोजो स्टोरीतर्फे आयोजित ‘वी द वुमन’ कार्यक्रमात धक्कादायक खुलासा केला होता.

15 वर्षांची असताना वडिलांनीच माझे लैंगिक शोषण केले होते, असे खुशबु सुंदर म्हणाल्या होत्या. त्यानंतर आता खुशबु यांनी जे सांगितले त्याची लाज वाटत नाही, असे वक्तव्य केले आहे.

Khushabu Sundar
Woman Passenger Arrested: महिलेने विमानात ओढली सिगारेट; क्रु ने लावला डोक्याला हात

खुशबू या राष्ट्रीय महिला आयोगाच्या सदस्यही आहेत. खुशबु म्हणाल्या की, मी जे सांगितले त्याची मला आता लाज वाटत नाही. मी जे काही बोलले ते अजिबात आश्चर्यजनक नाही. मी प्रामाणिकपणे माझ्यासोबत जे घडले ते सांगितले. मला याबाबत अजिबात लाज वाटत नाही. गुन्हेगाराला लाज वाटली पाहिजे.

एएनआयशी बोलताना खुशबु म्हणाल्या की, महिलांनी त्यांच्यासोबत जे घडले आहे ते समोर येऊन सांगितले पाहिजे. मला हाच संदेश द्यायचा आहे की, महिलांना मजबून बनले पाहिजे. तुम्हाला कुणीही कमी लेखू शकत नाही. काहीही होवो, मी माझ्या आयुष्याचा प्रवास सुरूच ठेवणार आहे.

Khushabu Sundar
'जातीवादी शब्द आणि जीवे मारण्याची धमकी'; प्रियंका गांधींच्या पीएवर अभिनेत्रीने केले गंभीर आरोप

लहानपणी लैंगिक शोषणाला सामोरे जावे लागल्यानंतर तेव्हाच खुशबु यांनी वडिलांच्या या कृत्याला विरोध करणे सुरू केले. त्यानंतर त्यांच्या वडिलांनी त्यांच्या कुटूंबाला वाऱ्यावर सोडले होते.

ही गोष्ट मला दीर्घकाळापासून सतावत होती. मी ही गोष्ट विसरू शकत नाही. मी माफही करणार नाही. पण हे मागे सोडून मी पुढे जाईन. जेव्हा एखाद्या लहान मुलाचे किंवा मुलीचे लैंगिक शोषण होते तेव्हा ते त्याला आयुष्यभर त्रास देत राहते.

मला मी माझ्या वडिलांविरोधात उभी राहिले याचा अभिमान वाटतो. कारण तेव्हा जर ठामपणे विरोध करू शकले नसते तर आज मी जिथे आहे तिथे नसते. मी घरात पुरूषांशी लढू शकत होते, त्यामुळेच जगात वावरतानाही मी या संकटांचा सामना सहज करू शकत होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com