Uttarakhand: 'कमिशनशिवाय काम होत नाही...,' माजी मुख्यमंत्र्यांच्या वक्तव्याने खळबळ

Tirath Singh Rawat Viral Video: उत्तराखंडचे माजी मुख्यमंत्री तीरथ सिंह रावत यांचा एक व्हिडिओ समोर आला आहे.
Tirath Singh Rawat
Tirath Singh Rawat Dainik Gomantak

Tirath Singh Rawat Viral Video: उत्तराखंडचे माजी मुख्यमंत्री तीरथ सिंह रावत यांचा एक व्हिडिओ समोर आला आहे, ज्यामध्ये ते म्हणताना दिसत आहेत की, कमिशन दिल्याशिवाय राज्यात कोणतेही काम होऊ शकत नाही. पौडीचे लोकसभा खासदार तीरथ सिंह रावत यांचा हा व्हिडिओ कधीचा आहे हे माहीत नाही, पण त्यात भाजप नेते एका खोलीत बसून राज्यातील 'कमिशन'बाबत चिंता व्यक्त करताना दिसत आहेत.

दरम्यान, आपल्या वक्तव्यांमुळे प्रसिद्धीच्या झोतात आलेले रावत म्हणाले की, 'मी मुख्यमंत्री राहीलो आहे, आणि मी हे बोलण्यास कदापि कचरत नाही की, जेव्हा उत्तराखंड (Uttarakhand) उत्तर प्रदेशपासून वेगळे झाले तेव्हा एखादे काम करण्यासाठी इथे 20 टक्के कमिशन द्यावे लागल होते.'

Tirath Singh Rawat
Uttarakhand News: 'या' कारणामुळे केदारनाथ मंदिराचे दरवाजे 25 ऑक्टोबरला राहतील बंद

रावत पुढे म्हणाले की, 'उत्तर प्रदेशपासून वेगळे झाल्यानंतर कमिशन पध्दत बंद व्हायला हवी होती, पण दुर्दैवाने आजही ती सुरु आहे. ही पध्दत 20 टक्के कमिशनने (Commission) सुरु झाली होती.' 9 नोव्हेंबर 2000 रोजी उत्तर प्रदेशपासून वेगळे होऊन उत्तराखंड अस्तित्वात आले. रावत पुढे म्हणाले की, 'मला सांगण्यात आले की, इथे कमिशन दिल्याशिवाय कोणतेही काम होत नाही. उत्तर प्रदेशात (Uttar Pradesh) कमिशनिंग प्रचलित होते, आणि दुर्दैवाने ते आता उत्तराखंडमध्येही सुरु आहे."

दुसरीकडे, याला कोणीही जबाबदार नसल्याचे रावत म्हणाले. ते पुढे म्हणाले की, 'ही एक मानसिकता आहे. हे आपले राज्य आहे, ही भावना निर्माण होईल तेव्हाच हे ठीक होईल.'

Tirath Singh Rawat
Uttarakhand Helicopter Crash: केदारनाथमध्ये हेलिकॉप्टरचा मोठा अपघात,४ जणांचा मृत्यु

यापूर्वीही माजी मुख्यमंत्री प्रसिद्धीच्या झोतात आले होते

यापूर्वीही माजी मुख्यमंत्र्यांच्या वक्तव्याने वाद निर्माण झाला होता. गेल्या वर्षी मार्चमध्येही फाटलेल्या जीन्स घातलेल्या तरुणांबाबत केलेल्या वक्तव्याने रावत चर्चेत आले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com