Bharat Jodo Yatra: भारत जोडो यात्रेत 'पाकिस्तान जिंदाबाद'च्या घोषणा? भाजप आक्रमक

भारत जोडो यात्रेतून एक नवा वाद समोर आला आहे.
Bharat Jodo Yatra
Bharat Jodo YatraDainik Gomantak

Bharat Jodo Yatra: काँग्रेस खासदार राहूल गांधी (Rahul Gandhi) यांची भारत जोडो यात्रा (Bharat Jodo Yatra) महाराष्ट्रातून मध्यप्रदेशमध्ये पोहचली आहे. मध्यप्रदेश येथील खारखोन या ठिकणी यात्रा पोहचली असून, यात्रेतून एक नवा वाद समोर आला आहे. राहूल गांधींच्या यात्रेत 'पाकिस्तान जिंदाबाद'च्या घोषणा देण्यात आल्याचा आरोप केला जात आहे. यावरून मध्यप्रदेशचे मुख्यमंत्री यांच्यासह सर्व भाजप आक्रमक झाली आहे.

('Pakistan zindabad' slogan raised during Rahul Gandhi's Bharat Jodo Yatra, alleges BJP)

Bharat Jodo Yatra
Amit Shah CAA Remark: 'CAA लागू होणार नाही, असे स्वप्न पाहणारे...,'

मध्यप्रदेश मुख्यमंत्री शिवराज सिंह चौहान (Shivraj Singh Chouhan) यांनी याबाबत ट्विट करत या प्रकरणाची दखल घेतली असून, दोषींवर कारवाई करणार असल्याचे म्हटले आहे.

"भारत जोडो यात्रेत पाकिस्तान जिंदाबादचे नारे देण्यात आले. ही भारत जोडो यात्रा आहे का? भारत तोडणाऱ्यांना एकत्र करण्याची यात्रा? याआधीही भारत तोडला आहे, पुन्हा भारत तोडण्याचा विचार आहे का? पाकिस्तान जिंदाबादच्या घोषणा देणाऱ्यांना कोणत्याही परिस्थितीत सोडले जाणार नाही, त्यांच्यावर कडक कारवाई केली जाईल."

Bharat Jodo Yatra
Republic Day 2023: प्रजासत्ताक दिनाच्या सोहळ्याला हजेरी लावणार या मुस्लिम देशाच्या राष्ट्रपती

भाजपच्या आयटी विभागाचे इनचार्ज अमित मालवीय (Amit Malviya) यांनी देखील याबाबत ट्विट केले आहे. अभिनेत्री रिचा चढ्ढाने जाहीररित्या राहूल गांधीच्या भारत जोडो यात्रेत सहभागी होण्याची ईच्छा व्यक्त केल्यानंतर, भारत जोडो यात्रेत पाकिस्तान जिंदाबादच्या घोषणा देण्यात आल्या. एका काँग्रेस खासदाराने हा व्हिडिओ टाकला होता पण, नंतर त्याने तो डिलिट केला. हेच काँग्रेसचे सत्य आहे. असे ट्विट अमित मालवीय यांनी केले आहे.

Bharat Jodo Yatra
Uttar Pradesh News: उंदरांनी खाल्ला 90 लाखांचा गांजा! मथुरा पोलिस न्यायालयात म्हणाले...

दरम्यान, या व्हिडिओची सत्यता आणि काँग्रेसची याबाबत भूमिका यावर कोणतीही माहिती अद्याप समोर आलेली नाही. राहूल गांधी यांची भारत जोडो यात्रा महाराष्ट्रातून मध्यप्रदेश राज्यात पोहचली आहे. बारा दिवसांचा प्रवास करून ही यात्रा पुढे जाणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com