PDP सुप्रीमो मेहबूबा मुफ्ती यांची लेक भडकली, 'पासपोर्ट जारी करुन माझ्यावर...'

PDP Supremo Mehbooba Mufti: पीपल्स डेमॉक्रॅटिक पार्टीच्या सुप्रीमो मेहबूबा मुफ्ती यांची लेक इल्तिजा मुफ्ती यांना पासपोर्ट जारी करण्यात आला आहे.
Iltija Mufti
Iltija Mufti Dainik Gomantak

PDP Supremo Mehbooba Mufti: पीपल्स डेमॉक्रॅटिक पार्टीच्या सुप्रीमो मेहबूबा मुफ्ती यांची लेक इल्तिजा मुफ्ती यांना पासपोर्ट जारी करण्यात आला आहे.

गुरुवारी याबाबत माहिती देताना अधिकाऱ्यांनी सांगितले की, इल्तिजा यांच्या पासपोर्टची वैधता 2 वर्षांसाठी आहे.

पासपोर्ट कार्यालयाने पोलिसांच्या (Police) गुन्हे अन्वेषण विभागाकडून (सीआयडी) मंजुरी न मिळाल्याने पासपोर्ट देण्यास नकार दिल्यानंतर इल्तिजा यांनी जम्मू आणि काश्मीर उच्च न्यायालयात धाव घेतली होती.

35 वर्षीय इल्तिजा यांनी सांगितले होते की, मला परदेशात पदव्युत्तर शिक्षण घेण्यासाठी तातडीने पासपोर्टची आवश्यकता आहे.

'पासपोर्ट देऊन उपकार केला नाही'

प्रादेशिक पासपोर्ट कार्यालयाने अतिरिक्त सॉलिसिटर जनरल यांना लिहिलेल्या पत्रानुसार, उच्च शिक्षण घेण्याची इच्छा व्यक्त करणाऱ्या इल्तिजा यांना पासपोर्ट जारी करण्यात आला आहे.

या पत्रानुसार, इल्तिजा यांचा पासपोर्ट 5 एप्रिल 2023 ते 4 एप्रिल 2025 पर्यंत वैध आहे. पासपोर्ट जारी झाल्यानंतर इल्तिजा यांची प्रतिक्रियाही समोर आली आहे.

इल्तिजा यांनी पासपोर्ट (Passport) जारी करुन कोणतेही उपकार केले नसल्याचे म्हटले आहे. तसेच, त्यांच्या पासपोर्टची वैधता केवळ 2 वर्षांसाठी आहे.

Iltija Mufti
Mehbooba Mufti: भाजपने काश्मिरचा अफगाणिस्तान केला; पॅलेस्टाईनची स्थिती आमच्यापेक्षा चांगली...

मेहबुबा यांना अद्याप नवीन पासपोर्ट मिळालेला नाही

याआधी, मार्च 2021 मध्ये मेहबुबा आणि त्यांची 80 वर्षीय आई गुलशन नजीर यांनाही पासपोर्ट नाकारण्यात आला होता. जम्मू आणि काश्मीर पोलिसांनी त्यांच्याविरुद्ध दिलेल्या उलटसुलट अहवालांमुळे हे केले गेले होते.

मेहबूबा यांचा पासपोर्ट अद्याप जारी झालेला नाही. दिल्ली उच्च न्यायालयाने गेल्या महिन्यात पासपोर्ट प्राधिकरणाला मेहबुबा मुफ्ती यांना नवीन पासपोर्ट जारी करण्याबाबत तीन महिन्यांत निर्णय घेण्याचे निर्देश दिले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com