देशात मागील तीन दिवसांपासून पेट्रोल आणि डिझेलच्या किमतींमध्ये थांबलेली दरवाढ आज पुन्हा सुरु झाल्याचे पाहायला मिळाले. आज पुन्हा एकदा पेट्रोल आणि डिझेलच्या किंमती वाढविण्यात आल्या आहेत. त्यानंतर आज राजधानी दिल्लीमधील पेट्रोलचे दर 91 रुपये लीटरच्या पुढे गेल्या आहेत. तेल विपणन कंपनी इंडियन ऑयल कॉर्पोरेशनने दिलेल्या माहितीनुसार दिल्लीत पेट्रोलची किंमत प्रतिलिटर 91.17 रुपये झाली आहे. तर डिझेल 81.47 रुपये प्रतिलिटरवर पोहचले आहे. दिल्लीत पेट्रोल 24 पैशांनी तर डिझेल 15 पैशांनी वाढले आहे.
यानंतर देशातील चार महानगरांपैकी महाराष्ट्रातील मुंबईत सर्वात महाग पेट्रोल झाले आहे. आज झालेल्या दरवाढीनंतर मुंबईत पेट्रोल 97.57 रुपयांवर, तर डिझेल 88.60 रुपये प्रतिलिटर वर गेले आहे. मुंबईत आज पेट्रोल 23 पैशांनी आणि डिझेल 16 पैशांनी वाढले. त्यानंतर कोलकाता मध्ये पेट्रोल 91.35 रुपये प्रतिलिटर आणि डिझेल 84.35 रुपये लिटर झाले आहे. आणि चेन्नईत पेट्रोल 93.11 रुपये व डिझेल 86.45 रुपये लिटर झाले आहे.
देशात 2, 6, 7, 21, 24, 25 आणि 26 फेब्रुवारी रोजी इंधनाच्या किमतीत दरवाढ झाली नव्हती. आपल्या फोनवरून दररोज पेट्रोल आणि डिझेलच्या किंमती एसएमएसद्वारे आपण जाणून घेऊ शकता. इंडियन ऑईल एसएमएस सेवेअंतर्गत RSP <स्पेस> पेट्रोल पंप डीलर कोड लिहून 9224992249 या नंबरवर मेसेज पाठविल्यानंतर पेट्रोल आणि डिझेलच्या किंमती जाणून घेता येणार आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.