PM Modi WhatsApp Channel: पीएम मोदींचे व्हॉट्सअ‍ॅप चॅनल सुरु, जॉइन करण्यासाठी 'या' स्टेप्स करा फॉलो

PM Modi WhatsApp Channel: पंतप्रधान नरेंद्र मोदी यांचे व्हॉट्सअ‍ॅप चॅनल सुरु झाले आहे. एएनआय या वृत्तसंस्थेने ही बातमी दिली आहे. यामध्ये पीएम मोदींच्या व्हॉट्सअ‍ॅप चॅनलचा स्क्रीनशॉट शेअर करण्यात आला आहे.

म्हणजेच आता पंतप्रधान नरेंद्र मोदी यांचे स्वतःचे व्हॉट्सअ‍ॅप चॅनल असणार आहे. जिथे लोकांना त्यांच्याबद्दल अपडेट मिळू शकतात.

बुधवारी लॉन्च करण्यात आलेल्या मेटाच्या या नवीन फिचर्सद्वारे अ‍ॅडमिन त्यांच्या फॉलोअर्ससोबत टेक्स्ट, फोटो, व्हिडिओ, स्टिकर्स आणि पोल शेअर करु शकतात.

WhatsApp चॅनल काय आहे?

व्हॉट्सअ‍ॅप (WhatsApp) चॅनल हे वन-वे ब्रॉडकास्ट टूल आहे. याद्वारे, अ‍ॅडमिन टेक्स्टपासून मल्टीमीडिया आणि पोलपर्यंत विविध प्रकारची सामग्री फॉलोअर्ससोबत शेअर करु शकतात. वापरकर्ते अ‍ॅपमध्येच त्यांच्या आवडीच्या व्यक्ती आणि संस्थांशी कनेक्ट राहू शकतात.

दरम्यान, हे चॅनेल व्हॉट्सअ‍ॅपच्या अपडेट्स नावाच्या नवीन टॅबमध्ये मिळू शकते. येथे तुम्हाला तुम्ही फॉलो करत असलेले स्टेटस आणि चॅनल मिळेल. तथापि, हे फॅमिली, फ्रेंड आणि ग्रुपसह तुमच्या चॅटपेक्षा वेगळे असेल.

काही चॅनेल लोकेशन किंवा देशाच्या आधारावर देखील फिल्टर केले जाते. तुम्ही फॉलोअर्सच्या संख्येवर आधारित नवीन, सर्वात सक्रिय आणि लोकप्रिय चॅनेल देखील पाहू शकता.

तुम्ही इतरांच्या चॅनेलवर मेसेज पाठवू शकणार नाही, परंतु तुम्ही पोलसारख्या गोष्टींना प्रतिसाद देऊ शकता.

तुम्ही इमोजी वापरुन प्रतिक्रिया देऊ शकता आणि प्रतिक्रियांची एकूण संख्या देखील पाहू शकता. तथापि, तुम्ही कसा प्रतिसाद देता ते फॉलोअर्संना दाखवले जाणार नाही.

पीएम मोदींचं व्हॉट्सअ‍ॅप चॅनल कसं जॉइन करणार?

तुमचे व्हॉट्सअ‍ॅप अपडेट नसेल तर आधी अपडेट करा. यानंतर तुम्हाला स्टेटसऐवजी अपडेटचा पर्याय दिसेल. यानंतर ‘फाइंड चॅनल’ या फीचरवर जाऊन ‘नरेंद्र मोदी’ सर्च करा. त्याचे अनुसरण करण्यासाठी तुम्हाला + बटणवर क्लिक करावे लागेल.

तथापि, हे शक्य आहे की, तुम्हाला या क्षणी हा पर्याय दिसणार नाही कारण कंपनीने तो नुकताच आणला आहे. सर्व वापरकर्त्यांपर्यंत पोहोचण्यासाठी काही वेळ लागू शकतो.

पीएम मोदी सोशल मीडियावर (Social Media) खूप सक्रिय असतात. पुढील लोकसभा निवडणुकीतही भाजप सोशल मीडियाच्या माध्यमातून आपला प्रचार पुढे नेणार आहे.