Presidential Election: बैठकीपूर्वी ममता बॅनर्जींनी घेतली शरद पवारांची भेट

राष्ट्रपती निवडणुकीची रणनीती ठरवण्यासाठी विरोधी पक्षांची उद्या दिल्लीत बैठक होणार आहे.
Presidential Election: बैठकीपूर्वी ममता बॅनर्जींनी घेतली शरद पवारांची भेट
Mamata Banerjee & Sharad PawarDainik Gomantak

राष्ट्रपती निवडणुकीची रणनीती ठरवण्यासाठी विरोधी पक्षांची उद्या दिल्लीत बैठक होणार आहे. मिळालेल्या माहितीनुसार, तृणमूल काँग्रेसच्या अध्यक्षा ममता बॅनर्जी आज दुपारी 4.30 वाजता दिल्लीत पोहोचत आहेत. ममता बॅनर्जी यांची आज कोणतीही नियोजित बैठक नसल्याचे सूत्रांकडून सांगण्यात येत आहे. बुधवार, 15 जून रोजी कॉन्स्टिट्युशन क्लबमध्ये दुपारी 3 वाजता राष्ट्रपतीपदाच्या निवडणुकीबाबत विरोधी पक्षांच्या बैठकीच्या अध्यक्षस्थानी त्या असतील. (president election mamata banerjee met ncp sharad pawar before opposition meet on presidential candidate)

दरम्यान, राष्ट्रपती निवडणुकीच्या तारखा जाहीर होताच उमेदवार निवडीसाठी पक्षांतर्गत चर्चेला सुरुवात झाली आहे. विरोधी पक्षाच्या उमेदवारावर सर्वसहमतीचे एकमत तयार करण्याच्या दिशेने एक पाऊल पुढे टाकत तृणमूल काँग्रेसच्या (Trinamool Congress) प्रमुख ममता बॅनर्जी यांनी मंगळवारी राष्ट्रवादीचे अध्यक्ष शरद पवार (Sharad Pawar) यांची भेट घेतली. ममता बॅनर्जी (Mamata Banerjee) यांनी बुधवारी बोलावलेल्या विरोधकांच्या बैठकीपूर्वी दोन्ही नेत्यांची भेट झाली. काही दिवसांपूर्वी राष्ट्रपतीपदाची निवडणूक 18 जुलै रोजी होणार आहे. तर मतमोजणी 21 जुलै रोजी होणार आहे.

Mamata Banerjee & Sharad Pawar
भाजपला घेरण्याची तयारी, ममता बॅनर्जींनी बोलवलेल्या बैठकीत काँग्रेस राहणार हजर

काँग्रेसही सहभागी होणार

TMC प्रमुख ममता बॅनर्जी यांनी कॉन्स्टिट्यूशन क्लब, दिल्ली येथे उद्या दुपारी 3 वाजता बोलावलेल्या विरोधी पक्षांच्या बैठकीत काँग्रेस सहभागी होणार आहे. काँग्रेसकडून मल्लिकार्जुन खर्गे, जयराम रमेश, रणदीप सिंग सुरजेवाला सहभागी होणार आहेत.

Mamata Banerjee & Sharad Pawar
काँग्रेस अध्यक्षा सोनिया गांधी उद्या ईडीसमोर हजर राहणार नाही

18 जुलै रोजी निवडणूक

राष्ट्रपती निवडणुकीसाठी 18 जुलै रोजी मतदान होणार आहे. या निवडणुकीत, इलेक्टोरल कॉलेजमधील 4,809 सदस्य- खासदार आणि आमदार - विद्यमान राष्ट्रपती राम नाथ कोविंद यांचा उत्तराधिकारी निवडतील. खरं तर अध्यक्षाची निवड अप्रत्यक्षपणे इलेक्टोरल कॉलेजमधून होत असते. ज्यामध्ये राज्ये आणि केंद्रशासित प्रदेशांच्या संसदेचे आणि विधानसभेचे निवडून आलेले सदस्य समाविष्ट आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com