भारत-नॉर्डिक समिट अपडेट्स: पंतप्रधान नरेंद्र मोदी आणि नॉर्डिक देशांच्या सरकारांच्या प्रमुखांनी डेन्मार्कमधील कोपनहेगन येथील ख्रिश्चनबोर्ग पॅलेस येथे भारत-नॉर्डिक शिखर परिषदेत (दुसरे भारत-नॉर्डिक समिट) भाग घेतला. नॉर्डिक शिखर परिषदेचा भाग होण्याची भारताची ही दुसरी वेळ आहे.
(Prime Minister Modi became part of the second India-Nordic Conference)
परराष्ट्र मंत्रालयाच्या (MEA) ट्विटनुसार, उदयोन्मुख तंत्रज्ञान, गुंतवणूक, स्वच्छ ऊर्जा, आर्क्टिक संशोधन यासारख्या क्षेत्रात नॉर्डिक प्रदेशासोबतच्या आमच्या बहुआयामी सहकार्याला प्रोत्साहन देणे हे या शिखर परिषदेचे प्रमुख उद्दिष्ट आहे. ही भविष्यासाठी भागीदारी आहे.
परिषद सुरू होण्यापूर्वी डेन्मार्क, फिनलँड, आइसलँड, नॉर्वे आणि स्वीडनचे नेते एकत्र दिसले. या नेत्यांसोबतचे पंतप्रधान मोदींचे छायाचित्र परराष्ट्र मंत्रालयाचे प्रवक्ते अरिंदम बागची यांनी ट्विट केले आहे. यादरम्यान त्यांनी असेही लिहिले की, 2018 साली स्टॉकहोममध्ये भारत आणि नॉर्डिक देश अशा शिखर परिषदेच्या माध्यमातून प्रथमच एका व्यासपीठावर एकत्र आले.
पंतप्रधान मोदींचा युरोप दौरा आज संपणार आहे
पंतप्रधान नरेंद्र मोदी यांचा तीन दिवसांचा युरोप दौरा आज संपणार आहे. दौऱ्याच्या शेवटच्या दिवशी ते काही तास फ्रान्समध्ये उपस्थित राहणार असून फ्रान्सचे अध्यक्ष मॅक्रॉन यांच्याशी ते चर्चा करणार आहेत. तत्पूर्वी नरेंद्र मोदी यांनी मंगळवारी डेन्मार्कला भेट दिली. मोदींनी कोपनहेगनमध्ये डॅनिश पंतप्रधान मेटे फ्रेडरिक्सन यांची भेट घेऊन अनेक मुद्द्यांवर चर्चा केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
