"तुलसीभाई", WHO च्या प्रमुखांनी विचारले असता PM मोदी म्हणाले...

पंतप्रधान नरेंद्र मोदी यांनी आज जागतिक आरोग्य संघटनेचे (WHO) महासंचालक टेड्रोस गेब्रेयसस यांना "गुजराती नाव" दिले. गांधीनगरमधील ग्लोबल आयुष इन्व्हेस्टमेंट अँड इनोव्हेशन समिटमध्ये पंतप्रधान मोदींनी WHO च्या प्रमुखांना सांगितले की, "तुम्हाला तुलसीभाई म्हणताना मला आनंद होत आहे." पीएम मोदींनी (Narendra Modi) त्यांना समजावून सांगितले की, 'भारतीय लोक पिढ्यानपिढ्या तुळशीची पूजा करतात.' (Prime Minister Narendra Modi has given a Gujarati name to Tedros Ghebreyesus the director general of the World Health Organization)

पीएम मोदी म्हणाले की "डब्ल्यूएचओचे महासंचालक टेड्रोस हे माझे चांगले मित्र आहेत. ते मला सांगतात की, भारतीय शिक्षकांनी मला शिकवले आणि त्यांच्यामुळे मी इथे आहे. WHO च्या प्रमुखांनी पुढे म्हटले की, 'मी खऱ्या अर्थाने आज गुजराती झालो आहे. तुम्ही ठरवले आहे का? माझ्यासाठी नाव?' त्यावर पंतप्रधान म्हणाले, 'म्हणूनच मी त्यांना तुलसीभाई म्हणेन.' तुलसी ही एक अशी वनस्पती आहे, जी आधुनिक पिढ्या विसरत चालली आहे. पिढ्यानपिढ्या तुळशीची पूजा करतात. तुम्ही लग्नातही तुळशीचे रोप वापरु शकता. त्यामुळे आता तुम्ही आमच्यासोबत आहात.

दरम्यान, गुजरातमध्ये (Gujarat) तीन दिवसीय ग्लोबल आयुष इन्व्हेस्टमेंट अँड इनोव्हेशन समिटच्या उद्घाटन समारंभाला पंतप्रधान मोदी बोलत होते. WHO च्या महासंचालकांव्यतिरिक्त मॉरिशसचे पंतप्रधान प्रविंद जुगनाथ हेही यावेळी उपस्थित होते.

तसेच, पारंपारिक औषधांसाठी इथे येऊ इच्छिणाऱ्या परदेशी नागरिकांसाठी भारत लवकरच विशेष आयुष व्हिसा श्रेणी सुरु करणार असल्याची घोषणा पंतप्रधान मोदींनी यावेळी केली. "आयुष थेरपीचा लाभ घेण्यासाठी भारतात येऊ इच्छिणाऱ्या परदेशी नागरिकांसाठी भारत लवकरच एक विशेष आयुष व्हिसा श्रेणी सुरु करणार आहे," असे त्यांनी या कार्यक्रमात म्हटले.

ते पुढे म्हणाले की, आयुष क्षेत्रात गुंतवणूक आणि नाविन्यपूर्ण संधी भरपूर आहेत. "आम्ही आधीच आयुष औषधे, पूरक आणि सौंदर्यप्रसाधनांच्या उत्पादनात अभूतपूर्व तेजी पाहत आहोत."

पीएम मोदी पुढे म्हणाले की, "आम्ही एक खास आयुष हॉलमार्क बनवणार आहोत. हा हॉलमार्क भारतात बनवलेल्या उच्च दर्जाच्या आयुष उत्पादनांवर लागू केला जाईल."