पैगंबर विवाद: जामा मशिदीत नुपूर शर्मांचा निषेध, नमाजानंतर जोरदार घोषणाबाजी

नुपूर शर्मा यांनी पैगंबर मोहम्मद यांच्याविषयी केलेल्या वक्तव्याविरोधात दिल्लीतील जामा मशिदीत निदर्शने करण्यात आली.
पैगंबर विवाद: जामा मशिदीत नुपूर शर्मांचा निषेध, नमाजानंतर जोरदार घोषणाबाजी
Jama MasjidDainik Gomantak

नुपूर शर्मा यांनी पैगंबर मोहम्मद यांच्याविषयी केलेल्या वक्तव्याविरोधात दिल्लीतील जामा मशिदीत निदर्शने करण्यात आली. मुस्लमी बांधवांनी शुक्रवारच्या नमाजनंतर हा निषेध नोंदवला. नुपूर शर्मा आणि नवीन जिंदाल यांची छायाचित्रे असलेले बॅनर आणि पोस्टर्स घेऊन मोठ्या संख्येने लोक जामा मशिदीत आले होते. या निदर्शनानंतर दिल्ली पोलीस सतर्क झाले आहेत. आंदोलकांची समजूत घालून त्यांना घरी पाठवण्याचा प्रयत्न दिल्ली पोलिसांकडून करण्यात येत आहेत. (Protest Against Nupur Sharma In Jama Masjid Against Her Statement Over Prophet Muhammad)

 Jama Masjid
पैगंबर वादाप्रकरणी खान स्टार्सच्या मौनावर नसीरुद्दीन शाहांनी साधला निशाणा

दरम्यान, नुपूर शर्मांनी एका टीव्ही डिबेट दरम्यान पैगंबर मोहम्मद यांच्यावर कमेंट केली होती, त्यानंतर गदारोळ निर्माण झाला होता. गेल्या आठवड्यात शुक्रवारी कानपूरमध्ये हिंसाचार उसळला, त्यानंतर संपूर्ण यूपीमध्ये मुझफ्फरनगरपासून काशीपर्यंत कारवाई करण्यात आली. परंतु आज जामा मशिदीमध्ये झालेल्या निदर्षानंतर दिल्ली (Delhi) पोलिसांच्या तयारीवर आणि त्यांच्या इनपुटवर प्रश्नचिन्ह निर्माण झाले आहे.

तसेच, जामा मशिदीत जमलेल्या आंदोलकांनी नुपूर शर्मा आणि नवीन जिंदाल यांच्यावर पोलिस कारवाई करावी, अशी मागणी केली. त्यांना निलंबित करणे किंवा भाजपमधून बडतर्फ करणे पुरेसे नाही. प्रार्थनेनंतर शेकडो लोक बाहेर आले आणि घोषणाबाजी करु लागले. ज्या प्रकारे लोक बॅनर्स आणि पोस्टर्स घेऊन आले होते, त्यावरुन या निदर्शनाची तयारी आधीच झाल्याचे स्पष्ट होते. त्याचवेळी या निदर्शनाबाबत जामा मशिदीच्या शाही इमामांना विचारले असता, मला याबाबत कोणतीही माहिती नसल्याचे त्यांनी सांगितले.

 Jama Masjid
सरकार वाचवण्यासाठी इम्रान खान घेत आहेत 'पैगंबर'चा सहारा

लखनऊच्या माउंड वाली मशिदीतही निदर्शने झाली

लखनऊच्या (Lucknow) माउंड वाली मशिदीतही निदर्शनं झाल्याचं वृत्त आहे. याशिवाय कोलकात्यात काही मशिदींजवळ निदर्शनेही झाली आहेत. या प्रकरणाने आंतरराष्ट्रीय स्वरुप धारण केले आहे, हे लक्षात घेण्यासारखे आहे. इराण, सौदी अरेबिया (Saudi Arabia), बहरीन, यूएई, कतारसह अनेक इस्लामिक देशांनी या मुद्द्यावर भारतावर (India) आक्षेप घेतला होता. आता जामा मशिदीतील अशा प्रकारचा निषेध महत्त्वाचा आहे, कारण त्याला आंतरराष्ट्रीय स्तरावर मान्यता आहे. इथे आंदोलन करणे हा मोठा संदेश आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com