पंजाबी गायक सिद्धू मुसेवाला अनंतात विलीन

गोल्डी ब्रार याने सिद्धू मूसेवालाच्या हत्येची स्वीकारली जबाबदारी
Sidhu Moose
Sidhu MooseDainik Gomantak

पंजाबी गायक सिद्धू मूसवाला यांची हत्या झाली होती. यानंतर पंजाब, दिल्लीसह देशातील विविध राज्यांमध्ये निदर्शने झाली. यावेळी काँग्रेसने या हत्येला राजकीय हत्या ठरवत मूस वालाची सुरक्षा का कमी करण्यात आली असा सवाल केला होता. या सर्व राजकिय घडामोडीनंतर पंजाबी गायक आणि काँग्रेस नेत सिद्धू मुसेवाला आज अनंतात विलीन झाले. त्यांच्या मुळ गावी अंत्यसंस्कार करण्यात आले. (Punjabi singer Sidhu Musewala merges with Infinity )

यावेळी त्यांच्या गावात मोठी गर्दी असल्याने पोलीसांना तगडा पोलीस बंदोबस्त ठेवला होता. दरम्यान, सिद्धू मुसेवाला यांच्या मृत्यूची चौकशी होणार आहे. जोपर्यंत चौकशीचे आदेश येत नाहीत, तोवर अंत्यसंस्कार करणार नसल्याची भूमिका कुटुंबीयांनी घेतली होती. आदेश मान्य करण्यात आल्यानंतर आज अंत्यसंस्कार करण्यात आले.

गोल्डी ब्रार याने सिद्धू मूसेवालाच्या हत्येची जबाबदारी स्वीकारली

पंजाबी गायक आणि रॅपर सिद्धू मूसेवाला च्या हत्येनंतर सर्वत्र खळबळ उडाली आहे. पंजाबमधील गँगस्टर लॉरेन्स बिश्नोईचा कॅनडास्थित साथीदार गोल्डी ब्रार याने सिद्धू मूसेवालाच्या हत्येची जबाबदारी स्वीकारली आहे. मिळालेल्या माहितीनुसार, सिद्धू मूसेवाला हा लॉरेन्स बिश्नोई आणि त्याच्या टोळीचा बराच काळ टार्गेट होता. अवघ्या २८ वर्षांच्या सिद्धूच्या हत्येने संपूर्ण पंजाब हादरला आहे. चाहत्यांच्या मनात असाही प्रश्न आहे की सिद्धू मूसेवाला बिष्णोई टोळीच्या निशाण्यावर का होता? नेमकी कोणत्या कारणामुळे त्याचा खून करण्यात आला ?

पंजाबी गायक सिद्धू मूसवाला यांच्या हत्येनंतरच्या घडामोडी

पंजाबमधील आप सरकारकडून सुरक्षा काढून घेण्यात आल्यानंतर दुसऱ्याच दिवशी रविवारी मानसा जिल्ह्यामध्ये सिद्धू यांची अज्ञातांनी गोळ्या मारून हत्या केली होती. त्यामुळे आप सरकारवर चौफेर टीका होत आहे. सिद्धू यांच्या पार्थिवाचे शवविच्छेदन काल करण्यात आले. 5 डॉक्टर्सच्या टीमने शवविच्छेदन केले होते. दरम्यान, उत्तराखंड स्‍पेशल टॉस्‍कच्या मदतीने काही संशयितांना पकडल्याची माहिती आहे. पकडण्यात आलेले लॉरेन्स बिश्नोई गँगचे सदस्य असल्याची माहिती समोर येत आहे. संशयितांना देहराडूनमधील नया गाव चौकीवर पकडण्यात आले. त्या सर्वांना पोलिसांना ताब्यात घेतले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com