रेल्वेतील नोकरी घोटाळ्याप्रकरणी CBI ची कारवाई, लालू यादवांच्या निकवर्तीयांना अटक

RJD chief Lalu Prasad Yadav: आरजेडी प्रमुख लालू प्रसाद यादव यांचे निकटवर्तीय भोला यादव यांना सीबीआयने अटक केली आहे.
Lalu Prasad Yadav
Lalu Prasad YadavDainik Gomantak

RJD chief Lalu Prasad Yadav: आरजेडी प्रमुख लालू प्रसाद यादव यांचे निकटवर्तीय भोला यादव यांना सीबीआयने अटक केली आहे. आयआरसीटीसीकडून जमिनीच्या बदल्यात नोकरी देण्याच्या घोटाळ्याप्रकरणी सीबीआयने भोला यादव यांच्यावर ही कारवाई केली आहे. सीबीआय राज्यात चार ठिकाणी छापे टाकत आहे. रेल्वे भरती घोटाळ्यात सीबीआय भोला यादव यांची चौकशी करत आहेत.

वृत्तानुसार, पाटणा आणि दरभंगा येथील भोला यादव यांच्या ठिकाणांवर छापे टाकण्यात येत आहेत. 2004 ते 2009 दरम्यान, लालू यादव रेल्वेमंत्री असताना भोला यादव हे त्यांचे ओएसडी होते. त्यावेळी रेल्वेत जमिनीच्या बदल्यात नोकऱ्या मिळवून देऊ असे सांगण्यात आले होते. भोला यादव हे या घोटाळ्याचे मुख्य सूत्रधार आहेत.

Lalu Prasad Yadav
Lalu Yadav News: पंतप्रधान मोदींनी केली लालू प्रसाद यादव यांच्या प्रकृतीची विचारपूस

लालू यादव यांच्या कुटुंबियांच्या घरांवरही छापे टाकण्यात आले

सीबीआयने दोन महिन्यांपूर्वी या प्रकरणी लालू यादव यांच्या ठिकाणांवर छापे टाकले होते. सीबीआयचे पथक लालू प्रसाद यादव यांच्या पाटणा येथील राबरी निवासस्थान आणि दिल्लीतील (Delhi) मीसा भारती यांच्या घरासह अनेक ठिकाणी पोहोचले होते. पथकाने अनेक तास घरांची झडती घेतली होती.

Lalu Prasad Yadav
'भारत गृहयुद्धाकडे जातोय': लालू यादव यांचा भाजपवर चौफेर हल्ला

अलीकडेच, सीबीआयने लालूंचे निकटवर्तीय भोला यादव यांची चौकशी केली. त्यानंतर त्यांना अटक करण्यात आली. आता भोला यादव यांच्या ठिकाणांवर छापे टाकण्यात येत आहेत. यामुळे लालू यादव यांच्या अडचणीही वाढू शकतात.

काय प्रकरण आहे?

सीबीआयने (CBI) तत्कालीन रेल्वेमंत्री लालू प्रसाद यादव (Lalu Prasad Yadav), त्यांची पत्नी राबडी देवी, दोन मुली, एक नोकरशहा आणि काही खासगी व्यक्तींविरोधात गुन्हा दाखल केला होता. लालू यादव हे रेल्वेमंत्री असताना रेल्वेमध्ये ग्रुप डीच्या पदांवर लोकांना नोकऱ्या दिल्या जात होत्या, त्या बदल्यात लालू कुटुंबीयांच्या नावावर जमीन करण्यात आल्याचा आरोप आहे. त्या पदांच्या भरतीसाठी रेल्वेने कोणतीही अधिसूचना जारी केली नसल्याचे तपासातून समोर आले आहे. या कथित घोटाळ्यात लालू कुटुंबातील लोकांना त्यांच्या नावावर एक लाख चौरस फुटांपेक्षा जास्त जमीन मिळाली होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com