Russian तरुणाने युक्रेनियन तरुणीशी बांधली लग्नगाठ; हिंदू रितीरिवाजाप्रमाणे घेतले सात फेरे

Russia And Ukraine: हिंदू रितीरिवाजांनी हे प्रेमळ जोडपे साताजन्मासाठी एकमेकांचे झाले.
Russian Groom And Ukraine Bride Married
Russian Groom And Ukraine Bride Married Dainik Gomantak

Russian Groom And Ukraine Bride Married: रशिया आणि युक्रेन यांच्यातील दीर्घकाळ चाललेल्या युद्धादरम्यान धर्मशाला येथे मंगळवारी एका रशियन तरुणाने युक्रेनियन तरुणीशी लग्नगाठ बांधली. दोन्ही देशांतील तणावादरम्यान रशियन वर आणि युक्रेनियन वधूच्या लग्नाचे लोकांकडून खूप कौतुक केले जात आहे. हिंदू रितीरिवाजांनी हे प्रेमळ जोडपे साताजन्मासाठी एकमेकांचे झाले.

दरम्यान, अ‍ॅलोना ब्रामोका युक्रेनियन वधू सिर्गी नोविकाच्या घरी वरात घेऊन आला. पारंपारिक बँड-बाजाच्या तालावर नाचत वरासह मंडळी वधू पक्षाच्या घरी आली. त्याच वेळी, वधूच्या मैत्रिणींनी वराला आणि त्याच्या नातेवाईंकाना गेटवर शगुन देऊन मंडपाच्या ठिकाणी नेले. यानंतर स्थानिक पंडित रमण शर्मा (Pandit Raman Sharma) यांनी वैदिक मंत्रोच्चारासह विवाह मंत्राचे पठण केले. त्यानंतर या जोडप्याने नामजप करुन सात फेरे घेतले. यादरम्यान नारायण मंदिर दिव्य आश्रम खडोटा येथे नवविवाहित जोडप्याने आशीर्वाद घेतले.

Russian Groom And Ukraine Bride Married
Russia-Ukraine War: युक्रेनची शार्प शूटर थालिता डो रशियन रॉकेट हल्ल्यात ठार

दुसरीकडे, युक्रेनमधील (Ukraine) रहिवासी असलेल्या सिर्गी नोविका आणि अ‍ॅलोना ब्रामोका यांचा विवाह भारतीय हिंदू रितीरिवाजांनुसार झाला. सिर्गी आणि अ‍ॅलोना यांनी सांगितले की, 'आम्ही एकदा हिंदू रितीरिवाजांनुसार लग्न होत असल्याचे पाहिले होते. हिंदू (Hindu) धर्माच्या परंपरा आणि मूल्यांचा आमच्यावर खूप प्रभाव आहे.'

Russian Groom And Ukraine Bride Married
Russia-Ukraine War: युक्रेनचे सेवेरोडोनेत्स्क शहर रशियाच्या ताब्यात जाणार

पंडित रमण शर्मा यांनी सांगितले की, 'सिर्गी नोविका आणि अ‍ॅलोना ब्रामोका यांची सनातन परंपरेबद्दलची ओढ पाहून मी प्रभावित झालो. आज कालच्या धावपळीच्या युगात वधू-वर किंवा त्यांच्या कुटुंबीयांकडून सतत विचारले जाते की, या विधी पूर्ण करण्यासाठी आणखी किती वेळ लागेल. त्याउलट, सिर्गी-अ‍ॅलोना आणि त्यांच्या नातेवाईकांनी एकदाही घाई केली नाही. त्यांनी प्रत्येक विधी पूर्णवेळ घेऊन पार पाडला. सनातन पंरपरेबद्दलची त्यांची ओढ पाहून मला आश्चर्य वाटले.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com