वास्तूतज्ञ चंद्रशेखर गुरु यांची हत्या, चाकूने केले वार

वास्तू तज्ञ चंद्रशेखर गुरुजी यांची भक्तांच्या वेशात आलेल्या मारेकऱ्यांनी निर्घृण हत्या केली. हल्लेखोर बागलकोट येथील असल्याचे प्राथमिक तपासातून समोर आले आहे.
Architect Chandrasekhar Guru
Architect Chandrasekhar GuruDainik Gomantak

वास्तू तज्ञ चंद्रशेखर गुरुजी यांची भक्तांच्या वेशात आलेल्या मारेकऱ्यांनी निर्घृण हत्या केली. हल्लेखोर बागलकोट येथील असल्याचे प्राथमिक तपासातून समोर आले आहे.

दरम्यान, कर्नाटकातील (Karnataka) एक प्रसिद्ध नाव असलेले चंद्रशेखर गुरुजी सरला वास्तूवर टीव्ही कार्यक्रम करत होते. सरला वास्तूवर त्यांनी अनेक पुस्तके लिहिली आहेत. हॉटेलच्या रिसेप्शन काउंटरवर त्यांची हत्या करण्यात आली. त्यांचे पार्थिव KIMS रुग्णालयात (Hospital) हलवण्यात आले आहे. चंद्रशेखर गुरुजी 2000 हून अधिक चर्चासत्रांमध्ये सहभागी झाले होते. त्यांना 16 राष्ट्रीय आणि आंतरराष्ट्रीय पुरस्कार मिळाले आहेत. ते सिव्हिल इंजिनिअर होते. विशेष म्हणजे, त्यांनी आर्किटेक्चरमध्ये डॉक्टरेट मिळवली होती.

दुसरीकडे, एसपी लबूराम घटनास्थळी दाखल पोहोचले असून त्यांनी पुढील तपास सुरु केला आहे. परंतु गुरुजींची हत्या कोणत्या कारणामुळे झाली याची अद्याप माहिती मिळू शकलेली नाही. हॉटेलच्या रिसेप्शन काऊंटरजवळ गुरुजींवर हल्ला करुन मारेकरी फरार झाले.

तसेच, दोन हल्लेखोरांनी चंद्रशेखर यांच्यावर चाकूने वार करुन तेथून पळ काढल्याची घटना हॉटेलच्या सीसीटीव्हीमध्ये कैद झाली आहे. हॉटेलमधील कर्मचार्‍यांनी सांगितले की, गुरुजी 2 जुलै रोजी हॉटेलमध्ये आले होते आणि त्यांना 6 जुलै रोजी इथून जायचे होते.

Architect Chandrasekhar Guru
कर्नाटक उच्च न्यायालय न्यायाधीशांना बदलीची धमकी

हॉटेलच्या कर्मचाऱ्यांनी दिलेल्या माहितीनुसार, गुरुजी हॉटेलच्या रिसेप्शनमध्ये बसले असताना हल्लेखोरांनी त्यांच्यावर अचानक चाकूने हल्ला केला. सरला जीवन, सरला वास्तू, मानेगागी वास्तू या कार्यक्रमांद्वारे गुरुजी हे कर्नाटकातील घराघरात पोहोचले होते. विशेष म्हणजे, गुरुजी सरला अकादमी चालवत होते.

Architect Chandrasekhar Guru
सार्वजनिक ठिकाणी गैरवर्तन झाल्यासच SC-ST कायदा लागू होईल: कर्नाटक उच्च न्यायालय

शेवटी, ग्लोबल व्हिजनचे चेअरमन असलेल्या गुरुजींनी 2016 मध्ये सरला जीवन नावाने इन्फो एंटरटेनमेंट टीव्ही चॅनल सुरु केला होता. त्याचबरोबर 2002 मध्ये सीजी परिवार नावाने एक प्रायव्हेट लिमिटेड कंपनी स्थापन केली होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com