'मुलाला ताबडतोब USA ला पाठवा...', पतीपासून विभक्त राहणाऱ्या महिलेला SC ने दिले आदेश

Supreme Court: सर्वोच्च न्यायालयाने शुक्रवारी बेंगळुरुस्थित एका महिलेला तिच्या 11 वर्षीय मुलाला त्याच्या वडिलांकडे सोपवण्याचे आणि त्याचे जन्मस्थान असलेल्या यूएसला पाठवण्याचे निर्देश दिले आहेत. न्यायमूर्ती ए. न्यायमूर्ती एम. खानविलकर आणि सी. टी. रविकुमार यांच्या खंडपीठाने मुलाला अमेरिकास्थित वडिलांकडे सोपवण्यास नकार देणारा कर्नाटक उच्च न्यायालयाचा निर्णय रद्दबातल ठरवला.

दरम्यान, निकाल लिहिताना न्यायमूर्ती रविकुमार म्हणाले, "मुलगा हा जवळपास 11 वर्षांचा आहे. तो यूएस पासपोर्ट धारक आणि यूएस नागरिक आहे. त्याचे पालक म्हणजे अपीलकर्ते हे कायमस्वरुपी यूएस निवासी कार्डधारक आहेत. या बाबींवर योग्य लक्ष दिले गेले नाही.''

दुसरीकडे, न्यायालयाने आपल्या आदेशात म्हटले आहे की, "आईने हे सुनिश्चित केले पाहिजे की, मूल ताबडतोब अमेरिकेत परतले आहे. त्याचबरोबर अपीलकर्त्या वडीलांनी त्यांच्या मुलाला परत यूएसला नेण्यासाठी कायद्यानुसार आवश्यक पावले उचलली पाहिजेत."

तसेच, निकालानुसार, या जोडप्याचे 2008 मध्ये भारतात (India) लग्न झाले होते. त्यानंतर ते अमेरिकेत (America) स्थायिक झाले. त्यांना ग्रीन कार्डही मिळाले. मात्र काही काळानंतर त्यांच्या नात्यामध्ये दुरावा आला. वडिलांच्या संमतीशिवाय मुलाला आईने भारतात आणले.