नवी दिल्ली : सीबीएसई इयत्ता 10 वी आणि 12 वी बोर्ड परीक्षांच्या तारखा अद्याप जाहिर झाल्या नसल्याने, तारखा कधी कळणार याबाबात गेले अनेक दिवस पालक-विद्यार्थ्यांमध्ये चर्चा सुरू होत्या. मात्र, आता आता ही प्रतिक्षा संपली असून, इयत्ता '10 वी व 12 वी'च्या बोर्डाच्या परीक्षेचं सविस्तर वेळापत्रक आज कळणार आहे. केंद्रीय शिक्षणमंत्री रमेश पोखरियाल निशंक यांनी काही दिवसांपूर्वी याबाबत ट्विट करत माहिती दिली होती. फेब्रुवारीला सीबीएसई इयत्ता '10 वी व 12 वी'च्या बोर्ड परीक्षेचे वेळापत्रक जाहीर होणार आहे. हे वेळापत्रक तुमही cbse.nic.in या वेबसाईटवर पाहू शकाल. या परीक्षा 10 मे ते 10 जून दरम्यान घेतल्या जाणार आहेत.
कोरोनामुळे शाळा बंद कराव्या लागल्याने बऱ्याच शाळांचा अभ्यासक्रम पूर्ण झाला नव्हता. काही दिवसांनी ऑनलाईन वर्ग सुरू केले असले, तरी त्याबाबत पालकांच्या मनात शंका आहे. सीबीएसई इयत्ता 10 वी व 12 वी बोर्डाच्या परीक्षांबाबत विद्यार्थी व शिक्षकांची चिंता वाढत असल्याने केंद्रीय शिक्षणमंत्री रमेश पोखरियाल निशंक यांनी गेल्या आठवड्यातच देशभरातील केंद्रीय विद्यालयातील विद्यार्थी आणि शिक्षकांना वेबिनारद्वारे संबोधित करताना विद्यार्थ्यांच्या प्रश्नांची उत्तरे दिली होती.
दरम्यान,परीक्षांमध्ये कोरोनाचा प्रादुर्भाव लक्षात घेऊन जाहीर करण्यात आलेल्या 2020 च्या अभ्यासक्रमानुसार कमी झालेल्या अभ्यासक्रमावर आधारितच प्रश्न असतील, असे त्यांनी स्पष्ट केले होते. शाळा पुन्हा सुरू करण्याबाबत बोलताना ते म्हणाले होते की, “कोरोनाची पार्श्वभूमी बघता विद्यार्थ्यांनी शाळेत जाणे हे त्यांच्या आरोग्याच्या दृष्टीने सुरक्षित आहे, याची खात्री झाल्यावरच ऑनलाइन वर्ग सुरू ठेवायचे कि नाही याचा निर्णय घेतला जाईल”.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.