सीरम इन्स्टिट्यूट ऑफ इंडियाने का थांबवलं लसींचं उत्पादन

देशात कोरोनाचा (Covid-19) प्रादुर्भाव पुन्हा एकदा वाढू लागला आहे. दुसरीकडे मात्र जगातील सर्वात मोठ्या लस निर्मीती करणाऱ्या कंपनीने लस उत्पादन थांबवले आहे.
vaccine
vaccineDainik Gomantak

देशात कोरोनाचा (Covid-19) प्रादुर्भाव पुन्हा एकदा वाढू लागला आहे. दुसरीकडे मात्र जगातील सर्वात मोठ्या लस निर्मीती करणाऱ्या कंपनीने लस उत्पादन थांबवले आहे. सीरम इन्स्टिट्यूट ऑफ इंडिया Covishield चे उत्पादन थांबवले आहे. कंपनीचे सीईओ अदर पूनावाला (Adar Poonawalla) यांनी शुक्रवारी ही माहिती दिली. सीरम इन्स्टिट्यूटने (Serum Institute of India) कोविडशील्डचे 100 कोटींहून अधिक डोस तयार केले आहेत. विशेष म्हणजे जगातील इतर गरीब देशांमध्ये कोरोना लसीचा (Vaccine) पुरवठा सीरमकडून करण्यात येत आहे.

मिळालेल्या माहितीनुसार आता जगात कोरोना लसीचा अतिरिक्त साठा झाला आहे. 'जगातील फार्मसी' म्हणून ओळखल्या जाणाऱ्या भारताने गेल्या वर्षी कोरोनाशी लढण्यासाठी लसीची मर्यादित निर्यात केली. यानंतर नोव्हेंबरमध्ये पुन्हा लसीची निर्यात सुरू करण्यात आली.

vaccine
प्रशांत किशोर यांचा काँग्रेस प्रवेश निश्चित; पदावरही शिक्कामोर्तब

SII चे CEO अदर पूनावाला यांनी सांगितले की कंपनीकडे कोविड-19 लसीचे 200 दशलक्ष डोस स्टॉकमध्ये आहेत. ते म्हणाले, “आम्ही डिसेंबरमध्ये उत्पादन बंद केले होते. गरजूंना मोफत देण्याची तयारीही दिली. त्याचे काय करावे हे मला कळत नव्हते. त्यामुळे मला लसिचे उत्पादन थांबवण्यास सांगावे लागले." भारताच्या औषध नियामकाने Covishield चा वापर उत्पादनाच्या 9 महिन्यांनंतरच करण्याचा सल्ला दिला आहे. SII च्या प्रवक्त्यानुसार, उत्पादन फक्त Covishield साठी थांबले आहे. विशेष म्हणजे, SII अमेरिकन फार्मा कंपनी Novavax च्या Kovovax चे उत्पादन देखील करते.

vaccine
धार्मिक दंगलींच्या ‘ब्रॅण्डिंग’साठी ब्रिटीश पंतप्रधान ‘जेसीबी’वर; शिवसेनेचा निशाणा

मागणी आणि पुरवठ्यातील वाढती तफावत

गेल्या वर्षीच्या मध्यापासून कोविड-19 लसीचे उत्पादन मागणीपेक्षा जास्त झाले आहे आणि ही तफावत वाढत आहे. मात्र, आजही कोट्यवधी लोकांना कोविड-19 ची लस मिळालेली नाही. यातील बहुतांश लोक विकसनशील देशांतील आहेत. भारत हा तिसरा सर्वाधिक कोविड-19 प्रभावित देश आहे आणि आतापर्यंत 187 कोटी डोस लागू केले आहेत. भारतात, कोविड-19 लसीचे दोन डोस 12 वर्षे आणि त्यावरील नागरिकांना दिले जात आहेत. त्याचवेळी, देशात कोविड-19 ची प्रकरणे पूर्वीपेक्षा कमी झाली आहेत, परंतु एप्रिलच्या अखेरीस कोविड-19 ने पुन्हा एकदा जोर पकडला आहे. देशाची राजधानी दिल्लीत पुन्हा एकदा मास्क घालणे अनिवार्य करण्यात आले आहे. शनिवारी भारतात कोविड-19 चे 2500 हून अधिक प्रकरणे नोंदवण्यात आली आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com