Shraddha Murder Case: आफताबला तुरुंगात हवी इंग्लिश पुस्तके, तुरुंग प्रशासनाकडे केली मागणी

श्रद्धा वालकर खूनप्रकरणातील आरोपी आफताबची तिहार तुरुंग प्रशासनाकडे एक मागणी केली आहे.
Shraddha Walkar Murder Case
Shraddha Walkar Murder CaseDainik Gomantak

श्रद्धा वालकर खूनप्रकरणातील आरोपी आफताब अमीन पूनावाला सध्या तिहार तुरुंगात बंद आहे. त्याने तिहार तुरुंग प्रशासनाकडे एक मागणी केली आहे. ज्यावर तिहार प्रशासनाकडून सकारात्मक प्रतिसाद देण्यात आल्याचे समोर आले आहे.

आफताबाने तुरुंगात कांदबरी आणि साहित्याची पुस्तके वाचण्याची इच्छा व्यक्त केली आहे. यावर तुरुंग प्रशासनाकडून लवकरच त्याला पुस्तके उपलब्ध करून दिली जाणार आहेत. अशी माहिती तिहार तुरुंगातील सुत्रांच्या हवाल्याने एएनआय वृत्तसंस्थेने दिली आहे.

Shraddha Walkar Murder Case
Bar Codes on Medicines: औषधांच्या पाकिटावर क्यूआर कोड होणार अनिवार्य! केंद्राचा मोठा निर्णय

वसईतील 26 वर्षीय श्रद्धा वालकर प्रकरणामुळे देश हादरला आहे. तिचा प्रियकर आफताब अमिन पूनावाला याने श्रद्धाचा गळा आवळून हत्या केली आहे. त्यानंतर तिच्या मृतदेहाचे 35 तुकडे करून जंगलात फेकून दिले होते. तब्बल सहा महिन्यानंतर ही घटना समोर आल्यानंतर एकच खळबळ उडाली होती. त्यानंतर आता श्रद्धा वालकर खून प्रकरणात नव नवीन माहिती समोर येत आहे.

श्रद्धाच्या वडिलांनी पोलिसांत केलेल्या तक्रारीनंतर हे प्रकरण उघड झाले होते. त्यानंतर दिल्लीतील पोलिसांनी (Delhi Police) आफताबला अटक केली आणि चौकशी सुरु केली आहे. सध्या आफताबची नार्को आणि पॉलिग्राफ चाचणी करण्यात येत आहे. नार्को चाचणीत आफताबने धक्कादायक माहिती दिली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com