Shraddha Murder Case: श्रद्धा वालकर हत्येप्रकरणी दिल्ली पोलिसांनी दाखल केले आरोपपत्र

Shraddha Murder Case: श्रद्धा हत्येप्रकरणी दिल्ली पोलिसांनी साकेत न्यायालयात 6,629 पानांचे आरोपपत्र दाखल केले आहे.
Shraddha Walkar Murder Case
Shraddha Walkar Murder CaseDainik Gomantak

Shraddha Murder Case: श्रद्धा हत्येप्रकरणी दिल्ली पोलिसांनी साकेत न्यायालयात 6,629 पानांचे आरोपपत्र दाखल केले आहे. यासोबतच आरोपी आफताबला व्हिडिओ कॉन्फरन्सिंगद्वारे न्यायालयात हजर करण्यात आले. यापूर्वी तपासादरम्यान पोलिसांनी जंगलातून जप्त केलेले केस आणि हाडांच्या डीएनए चाचणीचा अहवाल आला होता. या अहवालाने पुष्टी केली की, सापडलेले केस आणि हाडे मृत श्रद्धाचे आहेत.

चौकशीत तिची हत्या करुन 35 तुकडे केल्याचे सांगण्यात आले

आफताबने चौकशीदरम्यान 18 मे रोजी श्रद्धाची हत्या केल्याचा खुलासा केला होता. दोघेही मुंबईत (Mumbai) राहत होते. आफताब हा श्रद्धाचा प्रियकर होता, मात्र दोघांमध्ये सतत भांडण व्हायचे. आफताबने अनेकदा तिला जीवे मारण्याची धमकीही दिली होती.

Shraddha Walkar Murder Case
Shraddha Murder Case: दिल्ली हत्याकांडात मोठी अपडेट! श्रद्धाच्या हाडांचा डीएनए वडिलांच्या डीएनएशी झाला मॅच

दरम्यान, मुंबईनंतर ते दोघेही दिल्लीला शिफ्ट झाले होते. दिल्लीत (Delhi) दोघेही मेहरौली येथे फ्लॅट घेऊन लिव्ह इन रिलेशनशिपमध्ये राहत होते. आफताबने सांगितले होते की, 18 मे रोजी त्याचे श्रद्धासोबत भांडण झाले होते. यानंतर त्याने श्रद्धाचा गळा दाबून खून केला. एवढ्यावरच न थांबता त्याने श्रद्धाचे 35 तुकडे केले. तो रोज रात्री श्रद्धाच्या मृतदेहाचे तुकडे मेहरौलीच्या जंगलात टाकण्यासाठी जात असे.

Shraddha Walkar Murder Case
Shraddha Murder Case: मोठी बातमी! श्रद्धाच्या हत्येची आफताबने दिली कबुली, म्हणाला...

12 नोव्हेंबर रोजी अटक करण्यात आली

12 नोव्हेंबर रोजी श्रद्धा हत्याकांडप्रकरणी पोलिसांनी त्याला अटक केली होती. त्याने श्रद्धाच्या मृत्यूनंतरही तिच्या सोशल मीडियाचा वापर केला होता. तसेच श्रद्धाच्या खात्यातून पैसेही ट्रान्सफर केले होते. येथूनच पोलिस आफताबपर्यंत पोहोचले, कारण पोलिसांना या आकाऊंट्सबाबत माहित पडले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com