Karnataka: भूस्खलनात 6 जणांचा मृत्यू, अखेरच्या क्षणीही सख्या बहिणी...

कर्नाटकातील उत्तर कन्नड आणि दक्षिण कन्नड जिल्ह्यात भूस्खलनात दोन बहिणींसह सहा जणांचा मृत्यू झाला आहे.
Karnataka landslide
Karnataka landslideDainik Gomantak

Karnataka landslide: कर्नाटकातील उत्तर कन्नड आणि दक्षिण कन्नड जिल्ह्यात भूस्खलनात दोन बहिणींसह सहा जणांचा मृत्यू झाला आहे. पोलिसांनी दिलेल्या माहितीनुसार, मृतांमध्ये दोन्ही बहिणींचे मृतदेह एकमेकांचे हात हातात धरलेल्या अवस्थेत आढळला आहे.

उत्तर कन्नड जिल्ह्यातील भटकळ तालुक्यातील मुत्ताली गावात डोंगराचा भाग कोसळून एका कुटुंबातील चार जणांचा मृत्यू झाला. दुसरी घटना दक्षिण कन्नड जिल्ह्यातील सुब्रमण्य येथे घडली जिथे दोन बहिणींचे मृतदेह एकमेकांचे हात हातात धरलेल्या अवस्थेत आढळले. डोंगराचा काही भाग घरावर पडल्याने दोन बहिणींचा मृत्यू झाला.

Karnataka landslide
Andhra Pradesh: औद्योगिक परिसरात गॅस गळती, 68 लोकं रुग्णालयात दाखल

11 वर्षांच्या श्रुती आणि सहा वर्षांच्या ज्ञानश्रीचे मृतदेह दीर्घ बचाव कार्यानंतर बाहेर काढण्यात आल्याचे पोलिसांनी सांगितले. सोमवारी हा अपघात झाला असून कुसुमधर असे मृत मुलींच्या वडिलांचे नाव आहे. ते म्हणाले की, सोमवारी संध्याकाळपासून सुब्रमण्य येथे मुसळधार पाऊस पडत होता. सायंकाळी सातच्या सुमारास मोठा आवाज झाला आणि घराच्या व्हरांड्यात पुस्तक वाचत असलेली श्रुती आतून आवाज येत असल्याचा विचार करून घराच्या आत धावली.

Karnataka landslide
MQ-9 Reaper Drone: ज्या ड्रोनने केला अल-जवाहिरीचा खात्मा त्याला भारताची पसंती

ज्ञानश्रीही घराच्या आत धावत आली आणि त्याचवेळी त्यांच्या घरावर डोंगर कोसळला. घटनेच्या वेळी किचनमध्ये काम करणाऱ्या मुलींच्या आई मुली बाहेर असतील या विचाराने बाहेर आली, त्यामुळे त्या सुदैवाने बचावली. मात्र या अपघातात त्यांच्या दोन मुलींचा दुर्दैवी मृत्यू झाला. वाटेत झाडे पडल्याने आणि पाण्यामुळे तात्काळ मदत कर्मचारी घटनास्थळी पोहोचू शकले नाहीत, असे पोलिस सूत्रांनी सांगितले. पावसामुळे बचावकार्यावरही परिणाम झाल्याचे त्यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com