''दर चार ते सहा महिन्यांनी कोरोनाच्या लहान लाटा येऊ शकतात''

लसीकरण केलेल्या किंवा होऊन गेलेल्या व्यक्तींनाही पुन्हा लागण होऊ शकते
''दर चार ते सहा महिन्यांनी कोरोनाच्या लहान लाटा येऊ शकतात''
Somya SwaminathDainik Gomantak

राज्य आणि केंद्र शासन काही दिवसांपूर्वी मंकिपॉक्सपासून बचावासाठी ध्येय - धोरणे ठरवत होते. मात्र गेल्या काही दिवसात देश आणि राज्यभरात कोरोनाची रुग्णसंख्या झपाट्याने वाढत असल्याने प्रशासन आता कोरोनाच्या दृष्टीने यंत्रणा सक्रीय करण्यात गुंतले आहेत. त्यामूळे आता कोरोना फैलावास अटकाव हाच केंद्र आणि राज्यस्तरावरील महत्त्वाचा विषय ठरला आहे. (Small waves of corona can occur every four to six months -who )

गेल्या काही महिन्यात अटोक्यात आलेला हा कोरोना परत डोके वर काढताना दिसत आहे. या वाढत्या कोरोनामुळे देशात पुन्हा कोरोनाच्या छोट्या लाटा येऊ शकतात, अशी शक्यता जागतिक आरोग्य संघटनेच्या मुख्य शास्त्रज्ञ डॉ. सौम्या स्वामीनाथन यांनी व्यक्त केली आहे.

Somya Swaminath
पैगंबर विवाद: तोडफोडीनंतर भाजप कार्यालयाला आग, हावडामध्ये उडाली खळबळ

देशात नव्या रुपातील कोरोनाचे रुग्ण आढळून येत आहेत. या नव्या कोरोनाचे रुप ओमिक्रॉनपेक्षा अधिक धोकादायक आहे. या कोरोनामुळे रोगप्रतिकारक शक्ती कमी होऊ शकते. तसेच दर चार ते सहा महिन्यांनी कोरोनाच्या अशा लहान लाटा येऊ शकतात असेही स्वामीनाथन म्हणाल्या. त्यामुळे कोरोनाच्या नियमांचे पालन करण्यासोबतच या नव्या कोरोनाचा शोध घेणेही महत्वाचे असल्याचे मत स्वामीनाथन यांनी व्यक्त केले.

Somya Swaminath
Rajya Sabha Elections: कर्नाटकात भाजपची सरशी, कॉंग्रेसने जिंकली 1 जागा

बहुधा हा नवा कोरोना ओमिक्रॉनचे उप-प्रकार असण्याची शक्यता आहे. लसीकरण केलेल्या किंवा अगोदर कोरोना झालेल्या व्यक्तींनाही पुन्हा नव्या कोरोनाची लागण होऊ शकते. मात्र, जर तुम्ही योग्य काळजी घेतली आणि लसीकरण केले तर तुम्हाला घाबरण्याची गरज नाही.

कोरोना टास्क फोर्सचे तांत्रिक तज्ज्ञ डॉ. संजय पुजारी म्हणाले की, संपूर्ण भारतात ही लाट आहे, असे म्हणणे चूकीचे आहे. कारण वेगवेगळ्या हॉटस्पॉट्समध्ये प्रादेशिक स्पाइक आहेत. या स्पाइक्सचे निरीक्षण करणे आवश्यक आहे. उदाहरणार्थ, युनायटेड स्टेट्समध्ये गेल्या चार ते सहा आठवड्यांत कोरोना रुग्णांमध्ये वाढ झाली होती आणि आता गेल्या दोन दिवसांत घट झाल्याचे दिसून आले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com