क्रीडामंत्री किरेन रिजिजू कोरोना पॉझिटिव्ह

Sports Minister Kiren Rijiju Corona Positive
Sports Minister Kiren Rijiju Corona Positive

देशात कोरोनाचा संसर्ग पुन्हा एकदा वाढू लागला आहे. यातच केंद्रीय क्रीडामंत्री किरेन रिजिजू (Kiren Rijiju) यांना कोरोनाची लागण झाली आहे. शनिवारी रिजिजू यांनी सोशल मिडियावरील ट्विटरवरुन ही माहिती दिली आहे. ''कोरोनाची पुन्हा तपासणी झाल्यानंतर माझा अहवाल पॉझिटिव्ह आला आहे. मी डॉक्टरांचा सल्ला घेत आहे. तसेच माझ्या संपर्कात आलेल्या सर्वांनी क्वारंटाइन व्हावे आणि स्वत:ची कोरोना चाचणी करुन घ्यावी. मला शारिरीकदृष्ट्या तंदुरुस्त वाटत आहे,’’ असे रिजिजू यांनी आपल्या ट्विटमध्ये म्हटले आहे. (Sports Minister Kiren Rijiju Corona Positive)

शुक्रवारी रिजिजू उत्तराखंडला एका कार्यक्रमानिमित्त गेले होते. उद्घाटन कार्यक्रमामध्ये उत्तराखंडचे मुख्यमंत्री तीरथसिंह रावत त्यांच्याबरोबर होते. रावत नुकतेच कोरोनातून सावरले आहेत. त्याचबरोबर रिजिजू यांनी गुरवारी उत्तरकाशी जिल्ह्यातील निलोंग व्हॅली प्रदेशाला भेट दिली होती. यात ते इंडो-तिबेट सीमा पोलिस महासंचालक सुरजितसिंग देसवाल त्यांच्याबरोबर होते.

क्रीडा व्यतिरीक्त, रिजिजू यांच्याकडे आयुर्वेद, योग, निसर्गोपचार, युनानी सिध्द आणि होमिओपॅथीचा अतिरिक्त कार्यभार देण्यात आला होता. रिजिजू अरुणाचलप्रदेशच्या अरुणाचल पश्चिम मतदारसंघाचे लोकसभेचे खासदार आहेत.
 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com