NEET PG Exam सात दिवसांनंतर होणारच

NEET PG परीक्षा या वर्षी पुढे ढकलण्याची मागणी सर्वोच्च न्यायालयाने आज फेटाळून लावली आहे.
NEET exam 2022
NEET exam 2022Dainik Gomantak

NEET PG Exam: 21 मे रोजी होणारी NEET PG परीक्षा या वर्षी पुढे ढकलण्याची मागणी सर्वोच्च न्यायालयाने आज फेटाळून लावली आहे. त्यामुळे ही परिक्षा आता वेळेत होणार आहे. अवघ्या सात दिवसांनंतर देशातील मडिकलच्या विद्यार्थ्यांना NEET परिक्षेला बसता येणार आहे.

परिक्षा रद्द करणे म्हणजे परीक्षेची तयारी करणाऱ्या हजारो विद्यार्थ्यांच्या हिताच्या विरोधात असल्याचे न्यायालयाने म्हटले आहे. 2021 ची मेडिकल पीजी प्रवेश प्रक्रिया अद्याप सुरू आहे त्यामुळे 2022ची परीक्षा काही काळ पुढे ढकलण्यात यावी. असे याचिकेत म्हटले होते.

NEET exam 2022
गाण्यांमध्ये 'गन कल्चर'ला चालना दिल्यास होणार कारवाई, मुख्यमंत्री मान यांचा पंजाबी गायकांना इशारा

खरं तर, इंडियन मेडिकल असोसिएशन (IMA) ने NEET PG परीक्षा पुढे ढकलण्याची मागणी केली होती. IMA ने आरोग्य मंत्री डॉ मनसुख मांडविया यांना पत्र लिहून NEET PG 2022 ची परीक्षा पुढे ढकलण्याची विनंती केली होती. NEET PG 2022 ची परीक्षा 21 मे रोजी घेतली जात आहे. गेल्या अनेक दिवसांपासून, NEET PG 2021 समुपदेशनाला उशीर झाल्यामुळे विद्यार्थी परीक्षा पुढे ढकलण्याची मागणी करत होते. त्यानंतर आयएमएनेही आरोग्यमंत्र्यांना पत्र लिहून परीक्षेची तारीख वाढवण्याबाबत विचार करण्यास सांगितले आहे.

NEET exam 2022
काश्मिरी पंडितांच्या हत्येनंतर पुलवामा येथे SPO रियाझ अहमद यांच्यावर गोळीबार

विद्यार्थ्यांचे भवितव्य लक्षात घेऊन परीक्षा पुढे ढकलण्याची मागणी

इंडियन मेडिकल असोसिएशनने या पत्रात पुढे म्हटले आहे की, राज्यांमधील रिक्त पदांसाठीचे समुपदेशन मेच्या मध्यापर्यंत पूर्ण होणे अपेक्षित आहे. IMA ने पत्रात नमूद केले आहे की, 05 ते 10 हजार इंटर्न, ज्यांनी कोरोना महामारीच्या काळात कोरोना योद्धा म्हणून काम केले आहे, त्यांच्या परीक्षा पूर्ण होण्यास उशीर झाल्यामुळे NEET PG ला बसता येणार नाही. त्यामुळे विद्यार्थ्यांचे भविष्य लक्षात घेऊन NEET PG परीक्षा काही दिवस पुढे ढकलण्यात यावी. मात्र, न्यायालयाने ही मागणी फेटाळून लावली आहे. असे करणे परीक्षेची तयारी करणाऱ्या हजारो विद्यार्थ्यांच्या हिताच्या विरोधात असल्याचे न्यायालयाने म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com