'हा इंडिया आहे, हिंदिया नाही', अमित शहांच्या वक्तव्यावर मुख्यमंत्री स्टालिन यांचा हल्लाबोल

Chief Minister Stalin: हिंदी दिनाऐवजी भारतीय भाषा दिन साजरा करण्यात यावा, असेही स्टालिन म्हणाले.
Chief Minister Stalin
Chief Minister StalinDainik Gomantak

Tamil Nadu Chief Minister MK Stalin: तामिळनाडूचे मुख्यमंत्री एमके स्टालिन यांनी केंद्रीय गृहमंत्री अमित शहांच्या ‘हिंदी भाषा संपूर्ण देशाला एका सूत्रात बांधते’ या विधानावर जोरदार प्रहार केला आहे. स्टालिन म्हणाले की, 'हा भारत देश आहे, हिंदिया नाही.' तामिळसह इतर भारतीय भाषांना केंद्र सरकारने अधिकृत भाषेचा दर्जा द्यावा. हिंदी दिनाऐवजी 'भारतीय भाषा दिन साजरा' करण्यात यावा.'

'विविधतेतील एकतेच्या आदर्शाविरुद्ध'

गुजरातमधील (Gujarat) अखिल भारतीय राजभाषा परिषदेतील अमित शहांच्या भाषणाचा संदर्भ देत, स्टालिन यांनी दावा केला की, 'शाह यांनी देशाची संस्कृती आणि इतिहास समजून घेण्यासाठी लोकांना हिंदी शिकण्याचा सल्ला दिला होता.'

Chief Minister Stalin
Tamil Nadu: 12 वी तील विद्यार्थिनीची आत्महत्या; CM स्टालिन यांनी केली खास अपील

DMK ने जारी केलेल्या अधिकृत निवेदनानुसार, स्टालिन म्हणाले की, देशात विविध भाषा बोलणारे लोक राहतात. अमित शहांकडून (Amit Shah) हिंदीचा पुरस्कार होणे राष्ट्राच्या विविधतेतील एकतेच्या विरोधात आहे.

'देशात फूट पाडण्याचा प्रयत्न योग्य नाही'

अहवालानुसार, स्टालिन आपल्या पक्षाच्या 'हिंदी लादण्या' विरोधात घेतलेल्या ऐतिहासिक भूमिकेचा संदर्भ देताना म्हणाले की, 'भारत' त्याच्या अखंडतेसाठी ओळखला जातो. 'हिंदी'च्या नावावर देशाचे विभाजन करण्याचा प्रयत्न होऊ नये.' तामिळनाडूच्या मुख्यमंत्र्यांनी केंद्रीय गृहमंत्र्यांकडे मागणी केली की, 'राज्यघटनेच्या (Constitution) आठव्या अनुसूचीमध्ये समाविष्ट असलेल्या तामिळसह 22 भारतीय भाषांना केंद्र सरकारने अधिकृत भाषेचा दर्जा द्यावा.'

Chief Minister Stalin
तामिळनाडू सरकारचा मोठा निर्णय,1 सप्टेंबरपासून होणार शाळा सुरु

म्हणाले- हिंदी दिनाऐवजी भारतीय भाषा दिन साजरा करावा

एवढेच नाही तर स्टालिन पुढे म्हणाले की, 'हिंदी दिन साजरा करण्याऐवजी भारतीय भाषा दिन साजरा करुन संस्कृती आणि इतिहासाला बळ दिले पाहिजे. मात्र, अमित शहांना स्थानिक भाषांची काळजी असेल तर त्यांनी हिंदी आणि संस्कृतच्या धर्तीवर तमिळसारख्या इतर भारतीय भाषांच्या विकासासाठी निधी द्यावा.'

Chief Minister Stalin
Amit Shah Statement| पेट्रोलमध्ये इथेनॉल मिसळण्याबाबत गृहमंत्री अमित शाह यांचे मोठे वक्तव्य

स्टॅलिन शेवटी म्हणाले की, 'संस्कृती आणि इतिहास समजून घेण्यासाठी हिंदी शिकली पाहिजे, असे म्हणणे हे भारताच्या विविधतेतील एकतेच्या तत्त्वाच्या विरोधात आहे. देशात विविध भाषा बोलणारे लोक राहतात. भारताचा इतिहास आणि संस्कृती फक्त हिंदी भाषेतूनच मांडता येते असे नाही.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com