टाटा बाय बाय! 'मजा नहीं आ रहा है' म्हणत या व्यक्तीने दिला राजीनामा, लेटर व्हायरल

नोकरी सोडण्याचे धाडस करणारे फार कमी लोक आहेत कारण नोकरीशिवाय जगणे मात्र कठीण आहे.
टाटा बाय बाय! 'मजा नहीं आ रहा है' म्हणत या व्यक्तीने दिला राजीनामा, लेटर व्हायरल
Resigned Letter ViralDainik Gomantak

आजच्या काळात, लोकांसाठी पैसे कमवण्यापेक्षा नोकरीचे समाधान खूप महत्त्वाचे आहे. म्हणजेच नोकरीत मिळणारे समाधान, आनंद आणि शांती हे पैश्यापेक्षा जास्त महत्वाच्या आहेत. अनेक लोक नोकरीच्या गुंतागुंतीमुळे इतके त्रस्त होतात की ते डिप्रेशनमध्ये जाऊ लागतात. नोकरी सोडण्याचे धाडस करणारे फार कमी लोक आहेत कारण नोकरीशिवाय जगणे मात्र कठीण आहे. (Tata bye bye Saying Im not having fun this person resigned the letter went viral)

Resigned Letter Viral
​​BEL Jobs 2022: भारत इलेक्ट्रॉनिक्स लिमिटेडमध्ये 43 पदासाठी भरती सुरू, जाणुन घ्या निवड प्रक्रिया

तसेच, उद्योगपती हर्ष गोएंका (Harsh Goenka) सोशल मीडियावर अनेकदा विचित्र पोस्ट शेअर करत असतात. त्याच्या अनेक पोस्ट्स इतक्या मजेदार असतात की त्या सोशल मीडियावर मोठ्या प्रमाणात व्हायरल होतात. अलीकडेच त्यांनी एक फोटो शेअर केला आहे जो ऑफिसमध्ये राजेश नावाच्या व्यक्तीने दिलेला राजीनामा आहे असे दिसून येते आहे. सहसा ऑफिसमध्ये मेलद्वारे किंवा लिखित स्वरूपात ठरलेल्या पद्धतीने राजीनामे दिले जातात. पण हर्ष यांनी जो फोटो शेअर केला आहे, त्यात त्या व्यक्तीने तो राजीनामा देत असल्याचं अगदी सोप्या शब्दात सांगितलं आहे.

विचित्र राजीनाम्याचा फोटो सोशल मीडियावर व्हायरल

हर्ष यांनी शेअर केलेला राजीनामा राजेश नावाच्या व्यक्तीचा आहे. या पत्रात त्यांनी ते का लिहित आहे ते अगदी स्पष्टपणे सांगितले आहे. त्याने लिहिले- "प्रिय सर, मी राजीनामा देत आहे, मला मजा येत नाही आहे." या पत्रासोबत 18 जूनची तारीखही त्यामध्ये लिहीली आहे. हा विचित्र राजीनामा पाहून लोक आश्चर्यचकित होत आहेत. बरं, कोणीतरी विचित्र पद्धतीने राजीनामा करण्याची ही पहिलीच वेळ नाहीये. याआधीही राजीनाम्याशी संबंधित काही पत्रे सोशल मीडियावर व्हायरल झाली आहेत.

हे पत्र खरे आहे का?

या पोस्टला 2 हजारांहून अधिक लोकांनी लाईक केले आहे तर अनेकांनी रिट्विट देखील केले आहे. अनेकांनी कमेंट करून यावर आपल्या प्रतिक्रियाही दिल्या आहेत. इतर लोकांप्रमाणे तुमच्याही मनात हा प्रश्न नक्कीच पडत असेल की हा राजीनामा खरा आहे की कोणीतरी ते असंच लिहिल आहे? तुम्ही कमेंट सेक्शनमध्ये पाहिले तर दिनेश जोशी नावाच्या व्यक्तीने लिहिले आहे की- "सर, तुमचे हस्ताक्षर अगदी स्पष्ट आहे, मज्जा आली." या कमेंटला उत्तर देताना हर्ष यांनी लिहिले आहे की, "तुम्ही मला पकडले आहे."

Resigned Letter Viral
जाणून घ्या, तुमच्या शहरातही पेट्रोल-डिझेलचे दर

आता हे ऐकून असं वाटतंय की हा राजीनामा खरा नसून हर्ष गोएंका यांनी तो स्वत: लिहून पोस्ट केला आहे. मात्र, या पोस्टसोबत त्यांनी लिहिलेल्या कॅप्शनवरून त्यांना या पोस्टच्या माध्यमातून कंपनीतील मालक आणि वरिष्ठ कर्मचाऱ्यांनाच काही तरी संदेश द्यायचे असल्याचे दिसून येते. त्यांनी लिहिले- "हे पत्र लहान आहे पण त्याचा अर्थ खूप खोल आहे, ही एक गंभीर समस्या आहे जी आपण सर्वांनी सोडवलीच पाहिजे."

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com