'Hindi @ UN': संयुक्त राष्ट्रात हिंदीचा बोलबाला, वाचा सविस्तर

भारताचा बहुभाषिकतेचा ठराव संयुक्त राष्ट्रांच्या (United Nations) आमसभेने मंजूर केला आहे.
'Hindi @ UN': संयुक्त राष्ट्रात हिंदीचा बोलबाला, वाचा सविस्तर
HindiDainik Gomantak

भारताचा बहुभाषिकतेचा ठराव संयुक्त राष्ट्रांच्या आमसभेने मंजूर केला आहे. संयुक्त राष्ट्र संघाने आपल्या भाषांमध्ये हिंदीचा समावेश केला आहे. संयुक्त राष्ट्रांच्या कामकाजात पहिल्यांदाच हिंदी आणि इतर भाषांच्या संवर्धनाचा या ठरावात उल्लेख आहे. याचा अर्थ काय आणि भारतासाठी हे किती मोठे यश आहे ते आपण जाणून घेऊया? (The adoption of Hindi for the first time in a UN resolution)

प्रथम UNGA अधिकृत भाषा जाणून घ्या

संयुक्त राष्ट्र (United Nations) महासभेच्या सहा अधिकृत भाषा आहेत. यामध्ये अरबी, चायनीज (Mandarin), इंग्रजी, फ्रेंच, रशियन आणि स्पॅनिश यांचा समावेश आहे. याव्यतिरिक्त, इंग्रजी आणि फ्रेंच या संयुक्त राष्ट्रांच्या सचिवालयाच्या कार्यरत भाषा आहेत. परंतु, आता यामध्ये हिंदीचाही समावेश करण्यात आला आहे. संयुक्त राष्ट्र संघाचे कार्य, त्याची उद्दिष्टे यांची माहिती आता यूएनच्या वेबसाइटवर हिंदीमध्ये उपलब्ध होणार आहे.

Hindi
UN मध्ये भारताचा डंका, अमनदीप सिंग गिल बनले डिजिटल तंत्रज्ञानातील 'लीडर'

UN चा बहुभाषिक प्रस्ताव काय आहे

UNSC ने 1 फेब्रुवारी 1946 रोजी आपल्या पहिल्या अधिवेशनात एक ठराव पारित केला होता. ठराव 13(1) अन्वये, UN ने म्हटले आहे की, जोपर्यंत जगातील लोकांना यूएनची उद्दिष्टे आणि क्रियाकलापांची पूर्ण जाणीव होत नाही तोपर्यंत संयुक्त राष्ट्र आपली उद्दिष्टे साध्य करु शकत नाही.

दरम्यान, बहुभाषिकतेच्या आधारावर भारत अनेक वर्षांपासून यूएनमध्ये हिंदीला मान्यता मिळावी यासाठी प्रयत्न करत आहे. याच क्रमाने भारताच्या बाजूने प्रस्ताव मांडण्यात आला. प्रस्ताव सादर करताना पहिल्यांदाच संयुक्त राष्ट्रांच्या कामकाजात हिंदी आणि इतर भाषांच्या संवर्धनाचा उल्लेख करण्यात आला आहे.

Hindi
UN मधून भारताचा तालिबानला संदेश; 'जे वचन दिले आहे ते पूर्ण करा'

दुसरीकडे, शुक्रवारी मंजूर करण्यात आलेल्या ठरावात म्हटले आहे की, संयुक्त राष्ट्र हिंदीसह अधिकृत आणि अशासकीय भाषांमध्ये महत्त्वपूर्ण संप्रेषण आणि संदेश प्रसारित करण्यास प्रोत्साहित करते. या वर्षी पहिल्यांदाच हिंदी भाषेचा प्रस्तावात उल्लेख करण्यात आला. या ठरावात बांगला आणि उर्दूचाही प्रथमच उल्लेख करण्यात आला आहे.

भारताने हिंदीसाठी आठ लाख अमेरिकन डॉलर्स दिले होते

हिंदीच्या प्रचारासाठी भारत सरकार दीर्घकाळापासून प्रयत्न करत आहे. संयुक्त राष्ट्रांमध्ये हिंदीला अधिकृत मान्यता देण्याची मागणी करण्यात आली. विशेष म्हणजे गेल्या महिन्यात संयुक्त राष्ट्रात हिंदी भाषेच्या वापराला प्रोत्साहन देण्यासाठी भारत सरकारने आठ लाख अमेरिकन डॉलर्स दिले. भारताच्या स्थायी मिशनच्या वतीने ट्विट करुन यासंबंधीची माहिती देण्यात आली होती.

Hindi
UN मध्ये पाक चा पर्दाफाश, 'मुंबई, पठाणकोट अन् पुलवामातील गुन्हेगारांना देतोय संरक्षण'

'Hindi@UN' म्हणजे काय?

संयुक्त राष्ट्रात भारताचे स्थायी प्रतिनिधी TS तिरुमूर्ती यांनी माहिती दिली की, UN मध्ये हिंदीचा प्रचार करण्यासाठी 2018 मध्ये 'Hindi@UN' प्रकल्प सुरु करण्यात आला होता. यूएनच्या सार्वजनिक माहितीचे हिंदीमध्ये वितरण करणे आणि जगभरातील लाखो हिंदी भाषिक लोकांमध्ये जागतिक समस्यांबद्दल अधिक जागरुकता आणणे हे त्याचे उद्दिष्ट आहे. मिशन अंतर्गत, भारत 2018 पासून UN च्या ग्लोबल कम्युनिकेशन्स विभाग (DGC) सोबत भागीदारी करत आहे. UN च्या बातम्या आणि मल्टीमीडिया सामग्री हिंदीमध्ये प्रसारित करण्यासाठी आणि मुख्य प्रवाहात आणण्यासाठी संयुक्त राष्ट्र अतिरिक्त निधी देत आहे.

26 कोटींहून अधिक लोक हिंदी बोलतात

हिंदी ही जगातील प्रमुख भाषांपैकी एक आहे. जगभरात 26 कोटींहून अधिक लोक हिंदी बोलतात. भारताव्यतिरिक्त (India) नेपाळ (Nepal), मॉरिशस, फिजी, गयाना, सुरीनाममध्येही हिंदी बोलली जाते. याशिवाय अमेरिका (America), जर्मनी, सिंगापूर, न्यूझीलंडमध्येही (New Zealand) हिंदी भाषिक आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com