मोहालीतील पंजाब पोलिसांच्या गुप्तचर कार्यालयात स्फोट

मोहालीतील पंजाब पोलिसांच्या गुप्तचर कार्यालयाच्या तिसऱ्या मजल्यावर सोमवारी रात्री रॉकेट-प्रोपेल्ड ग्रेनेड (RPG) फेकण्यात आल्याने स्फोट झाला.
मोहालीतील पंजाब पोलिसांच्या गुप्तचर कार्यालयात स्फोट
RPGDainik Gomantak

पंजाबमधील मोहालीमध्ये सोमवारी रात्री एक मोठी घटना घडली आहे. मोहालीतील पंजाब पोलिसांच्या (Punjab Police) गुप्तचर विभागाच्या इमारतीत मोठा स्फोट (Blast in Mohali) झाला. रॉकेटसदृश वस्तू पडल्यानंतर ही घटना घडल्याचे बोलले जात आहे. त्यानंतर एकच खळबळ उडाली. सध्या या घटनेत कोणतीही जीवितहानी झाली नसल्याचे सांगण्यात येत आहे. आजूबाजूच्या इमारतींनाही याचा फटका बसल्याचे मीडिया रिपोर्ट्समध्ये सांगण्यात येत आहे. त्याचबरोबर गुप्तचर विभागाची ही इमारत सुहाना साहिब गुरुद्वाराजवळ आहे.

RPG
''तजिंदर बग्गाची पंजाब पोलिसांकडून बेकायदेशीररित्या सुटका करण्यात आली''

दरम्यान, इमारतीला लक्ष्य करुन हल्ला करण्यात आला आहे. स्फोटानंतर इमारतीभोवती मोठ्या प्रमाणात पोलीस बंदोबस्त तैनात करण्यात आला आहे. संपूर्ण परिसरात पोलीस (Police) बंदोबस्त तैनात करण्यात आला आहे.

मिळालेल्या माहितीनुसार, संध्याकाळी साडेसातच्या सुमारास रॉकेट लाँचरने हल्ला करण्यात आला. त्यानंतर संपूर्ण परिसर सील करण्यात आला आहे. हे रॉकेट प्रोपेल्ड ग्रेनेड आहे. पंजाब (Punjab) पोलिसांच्या गुप्तचर विभागाच्या इमारतीच्या तिसऱ्या मजल्यावर ते फेकण्यात आले. आता मुख्यालयाबाहेर कडेकोट बंदोबस्त ठेवण्यात आला आहे.

याशिवाय, समोर आलेल्या फोटोनुसार स्फोटके तिसऱ्या मजल्यावर पडल्यानंतर खिडक्यांच्या काचा फुटल्या होत्या. गुप्तचर विभागाच्या मुख्यालयावर असा हल्ला देखील मोठ्या गुप्तचर त्रुटीकडे लक्ष वेधतो.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.