चोरट्याने मंदिरातील लाखो रुपयांचे साहित्य व मौल्यवान वस्तू चोरी केल्या. मात्र, चोरट्याला चुक झाल्याचे लक्षात आल्यानंतर गलती से मिस्टेक झाल्याचे म्हणत त्याने साहित्य परत केले. ही घटना आहे, मध्य प्रदेश राज्यातील बालाघाट ( Balaghat ) येथील जैन मंदिरातील. जैन मंदिरातून (Jain Temple) काही दिवसांपूर्वी चांदीच्या वस्तू चोरीला गेल्या होत्या. चोरट्याने एका पिशवीत चोरीच्या वस्तू भरून त्या परत केल्या व त्या पिशवीवर 'चुकून चोरी केली, मला माफ करा.' असा मजकूर लिहलेली एक चिठ्ठी चिकटवली.
घडलं असं की. मध्य प्रदेशातील लामटा येथे असलेल्या शांतीनाथ दिगंबर जैन मंदिरात सोमवारी (दि.24) रात्री चोरी झाली. अज्ञात चोरट्यांनी मंदिरातील मौल्यवान वस्तू चोरी केल्या, यात मंदिरातील चांदीच्या नऊ छत्र्या आणि इतर वस्तू होत्या. स्थानिक पोलिसांनी घटनेच्या माहितीवरून तपासाला सुरूवात केली. पोलिसांनी चोरी प्रकरणातील आरोपींवर दबाव टाकण्यास सुरुवात केली. तसेच, अनेक संशयितांची चौकशीही केली.
दरम्यान, परिसरातील काही लोक पाणी भरण्यासाठी नळाजवळ पोहोचले असताना त्यांना खड्ड्यात एक पिशवी आढळून आली. या पिशवीत काही चांदीच्या वस्तू दिसल्या. यानंतर नागरिकांनी पोलिसांना माहिती दिली. पोलिसांनी घटनास्थळी धाव घेत वस्तू जप्त केल्या. पोलिसांना जप्त केलेल्या या सामानासोबत एक चिठ्ठी आढळली. चोरट्याने या चिठ्ठीत चक्क चोरी केल्याची माफी मागितली होती. 'मंदिरातून चोरी केल्यानंतर मला खूप नुकसान झालं. माझ्याकडून चुकून चोरी झाली, मला माफ करा.' असं चोरट्याने या चिठ्ठीत लिहलं होते.
सापडेलेल्या वस्तू जैन मंदिरातील असल्याची शाहनिशा मंदिराच्या सदस्यांनी केली. पोलीस अद्याप चोरट्यांचा तपास करीत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
