गुजरातमध्ये भीषण अपघात; भिंत कोसळून 12 जणांचा मृत्यू

मीठ कारखान्याची भिंत कोसळली
गुजरातमध्ये भीषण अपघात; भिंत कोसळून 12 जणांचा मृत्यू
Gujaratt AccidentDainik Gomantak

गुजरातमधील हलवड औद्योगिक क्षेत्रातील एका मिठाच्या कारखान्यात भिंत अंगावर कोसळली आहे. यात 12 कामगारांचा दुर्दैवी मृत्यू झाल्याची धक्कादायक घटना समोर आली आहे. या घटनेत मजुरांची खेळणारी मुले आणि कामगार ढिगाऱ्याखाली दबल्याची भीती व्यक्त करण्यात येत आहे. सध्या मदतकार्य सुरु असून भिंतीखाली दबलेल्या लोकांना बाहेर काढण्यात येत आहे. (Tragic accident in Gujarat; 12 killed in wall collapse )

Gujaratt  Accident
मध्य प्रदेश, बिहार, झारखंडमध्ये उष्णतेची लाट कायम

राज्याचे कामगार आणि रोजगार मंत्री आणि स्थानिक आमदार ब्रिजेश मेरजा यांनी हलवड औद्योगिक परिसरात असलेल्या समुद्री मीठ कारखान्यात घडलेल्या घटनेबाबत दुःख व्यक्त केले. तसेच ते म्हणाले कि, “कारखान्यातील किमान 12 कामगारांचा मृत्यू झाला आहे. ढिगाऱ्याखाली अडकलेल्या इतरांना वाचवण्याचे प्रयत्न अजून सुरू आहेत.

मुख्यमंत्री सहायता निधीतून 4 लाख रुपयाची घोषणा

गुजरातचे मुख्यमंत्री भूपेंद्र पटेल यांनी मोरबी येथील मीठ कारखान्याची भिंत कोसळून मृत्युमुखी पडलेल्या प्रत्येक कामगाराच्या नातेवाईकांना मुख्यमंत्री सहायता निधीतून 4 लाख रुपये देण्याची घोषणा केली आहे. मुख्यमंत्र्यांनी मोरबीचे जिल्हाधिकारी आणि यंत्रणा चालकांना तात्काळ बचाव आणि मदत कार्य करण्याचे निर्देश दिले.

Gujaratt  Accident
चीन, पाकिस्तानला आव्हान देण्यासाठी भारत तैनात करणार 'S-400'

मृतांच्या कुटुंबीयांना 2 लाखांची मदत

दुसरीकडे, पंतप्रधान नरेंद्र मोदी यांनी मोरबी येथील दुर्घटनेवर शोक व्यक्त केला आहे. पीएमओने केलेल्या ट्विटमध्ये, पंतप्रधानांनी या अपघातात प्राण गमावलेल्यांच्या कुटुंबीयांना पंतप्रधान राष्ट्रीय मदत निधी (PMNRF) मधून प्रत्येकी दोन लाख रुपयांची मदत जाहीर केली आहे. तर जखमींना 50-50 हजार रुपये दिले जाणार आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com