टीआरएस पक्षाची नागरिकांना मोफत पाणी देण्याबाबत आश्‍वासनाची खैरात

 TRS Assurance to provide free water to citizens
TRS Assurance to provide free water to citizens

हैदराबाद: महानगरपालिकेत सत्ता आल्यास दर महिन्याला नागरिकांना वीस हजार लीटर मोफत पाणी देण्याचे आश्‍वासन टीआरएस पक्षाने दिलेले असताना आज तेलंगण कॉंग्रेसने ३० हजार लीटर मोफत पाणी देणार असल्याचे जाहीर केले. बृहन हैदराबाद महानगरपालिकेच्या निवडणुकीच्या निमित्ताने नागरिकांवर मोफत पाणी देण्याबाबत आश्‍वासनाची खैरात केली जात आहे. 


बृहन हैदराबाद महानगरपालिकेच्या प्रचाराला वेग आला असून आज कॉंग्रेसचा जाहीरनामा जाहीर करण्यात आला.येत्या १ डिसेंबर रोजी मतदान होणार असून ४ डिसेंबर रोजी निकाल लागणार आहेत.  तेलंगणचे प्रभारी मनिकाम टागोर यांनी जाहीरनामा जाहीर केला. त्यात अनेक आश्‍वासनं दिली आहेत.

हैदरबादमध्ये नुकत्याच झालेल्या पावसामुळे ज्यांचा मृत्यू झाला, त्यांच्या नातेवाईकांना प्रत्येकी २५ लाख रुपये मदत देण्याचे कॉंग्रेसने जाहीर केले आहे. याशिवाय ज्या घराची पडझड झाली आहे त्याच्या दुरुस्तीसाठी घरमालकाला पाच लाख आणि किरकोळ हानी झालेल्या घरांसाठी अडीच लाखांची मदत दिली जाणार आहे. पूरग्रस्त कुटुंबांना ५० हजाराची मदत दिली जाणार असल्याचे म्हटले आहे. झोपडपट्टी भागात आणि दोन बेडरुम असलेल्या घराला शुद्ध पाणीपुरवठा केला जाईल आणि त्यासाठी मोफतपणे आरओ प्रणाली बसवली जाईल. कोविड बाधित रुग्णांवर आरोग्यश्री योजनेतंर्गत उपचार केले जातील, तसेच आरोग्य विमा कवच, दिव्यांग, विद्यार्थी, ज्येष्ठ नागरिक, महिलांना मेट्रो आणि बसमधून मोफत प्रवास या आश्‍वासनांचा समावेश आहे.

आणखी वाचा:

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com