मध्य प्रदेशात गोहत्येच्या संशयावरुन दोन तरुणांची हत्या, हिंदू संघटनांवर आरोप

मध्य प्रदेशातील (Madhya Pradesh) सिवनी जिल्ह्यात दोन आदिवासी तरुणांची लिंचिंग झाल्याची खळबळजनक घटना समोर आली आहे.
मध्य प्रदेशात गोहत्येच्या संशयावरुन दोन तरुणांची हत्या, हिंदू संघटनांवर आरोप
Madhya PradeshDainik Gomantak

मध्य प्रदेशातील सिवनी जिल्ह्यात दोन आदिवासी तरुणांची लिंचिंग झाल्याची खळबळजनक घटना समोर आली आहे. एकीकडे खरगोन हिंसाचाराची जखम जिवंत असताना, दुसरीकडे, सिवनी जिल्ह्यातील बरघाट विधानसभा मतदारसंघातील (Assembly Constituency) सिमरिया गावात दोन आदिवासी तरुणांना बेदम मारहाण करण्यात आली. बजरंग दलाचे पदाधिकारी आणि कार्यकर्त्यांवर हत्येचा आरोप करण्यात आला आहे. काल रात्री दोन आदिवासींना बजरंग दलाच्या लोकांनी गुरेढोरे असल्याच्या संशयावरुन पकडून बेदम मारहाण केली यातच त्यांचा मृत्यू झाला. (Two youths were killed in Madhya Pradesh on suspicion of cow slaughter)

दरम्यान, या प्रकरणावर संपूर्ण आदिवासी समाज संतप्त झाला आहे. यानंतर कुरईचा राष्ट्रीय महामार्ग रोखण्यात आला. घटनेची माहिती मिळताच बारघाटचे आमदार अर्जुन काकोडिया यांनीही घटनास्थळी जाऊन चक्का जाम केला. शिवराज सरकार ज्याप्रमाणे संपूर्ण मध्यप्रदेशात (Madhya Pradesh) आरोपींच्या घरावर बुलडोझर चालवत आहे, त्याचप्रमाणे या आरोपींच्या घरांवर बुलडोझर चालवावा, अशी मागणी आमदार काकोडिया यांच्याकडून करण्यात आली.

Madhya Pradesh
मध्य प्रदेशात भीषण अपघात; बस कालव्यात पडून 39 प्रवाशांचा मृत्यू

दुसरीकडे, बजरंग दल दलावर संपूर्ण मध्यप्रदेशात बंदी घालावी, अशी मागणीही करण्यात येत आहे. या प्रकरणाचे गांभीर्य लक्षात घेता सिवनी एसपी आणि जिल्हाधिकारीही घटनास्थळी पोहोचले. यावेळी त्यांनी आमदार काकोडिया यांना समजावण्याचा प्रयत्न केला. त्याचवेळी आरोपी तरुण फरार असल्याचे सांगण्यात येत आहे. त्याला लवकरात लवकर अटक करण्यात येईल, असे पोलिसांकडून (Police) सांगण्यात आले आहे.

मिळालेल्या माहितीनुसार, 15-20 लोकांच्या जमावाने या दोघांना बेदम मारहाण केली. कुरई पोलिसांनी 20 जणांवर गुन्हा दाखल केल्याचे पोलिसांकडून सांगण्यात आले. ही घटना सोमवारी रात्री अडीचच्या सुमारास घडली. यातील सहा जणांविरुद्ध खुनाचा गुन्हा दाखल करण्यात आला आहे. पोलिसांनी 2-3 संशयितांना ताब्यात घेतल्याचे सांगितले जात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.