Udaipur Killing Case: उदयपूर हत्याकांडातील 9 व्या आरोपीला NIA ने केली अटक

Udaipur: या प्रकरणातील ही नववी अटक असल्याचे त्यांनी सांगितले.
NIA
NIA Dainik Gomantak

Udaipur Killing Case: राजस्थानमधील उदयपूर जिल्ह्यात टेलर कन्हैयालालच्या निर्घृण हत्येचा कट रचणाऱ्या मुस्लिम खानला राष्ट्रीय तपास संस्थेने (NIA) अटक केली आहे. अधिकाऱ्यांनी यासंबंधीची माहिती दिली आहे. या प्रकरणातील ही नववी अटक असल्याचे त्यांनी सांगितले.

एनआयएच्या म्हणण्यानुसार, '41 वर्षीय मुस्लिम खान उर्फ ​​मुस्लिम रझा हा राजस्थानच्या प्रतापगड जिल्ह्यातील रहिवासी आहे. त्याने कन्हैयालालच्या हत्येच्या कटात "सक्रिय भूमिका" बजावली होती.' एनआयएने 29 जून रोजी तपास हाती घेतला आणि आतापर्यंत या प्रकरणात नऊ जणांना अटक केली. यापूर्वी, 21 जुलै रोजी एजन्सीने खेरवारा येथील सिंधी सरकारी हवेली येथील रहिवासी मोहम्मद जावेद (Mohammed Javed) याला अटक केली होती.

NIA
Udaipur Murder Case: आठव्या आरोपीला चार दिवसांची कोठडी, चौकशीत होणार खुलासे

दुसरीकडे, व्यवसायाने टेलर असलेल्या कन्हैया लालची (Kanhaiya Lal) 28 जून रोजी उदयपूरमध्ये त्याच्या दुकानात हत्या करण्यात आली. हा हल्ला रियाझ अख्तारी नावाच्या व्यक्तीने केला होता. तर या संपूर्ण घटनेची नोंद त्याचा साथीदार गौस मोहम्मद याने केली होती. विशेष म्हणजे, या घटनेचा व्हिडिओ त्यांनी ऑनलाइन पोस्ट केला होता. नंतर दोन्ही आरोपींनी आणखी एक व्हिडिओ जारी केला ज्यामध्ये त्यांनी इस्लामच्या कथित अपमानाचा बदला घेण्यासाठी ही हत्या केली असल्याचे म्हटले होते. मात्र, खुनाच्या काही तासांनंतर दोघांनाही अटक करण्यात आली.

NIA
Udaipur Murder Case: तीन आरोपींना पोलीस कोठडी, चौघांची तुरुंगात रवानगी

या निर्घृण हत्येद्वारे दोघांनाही संपूर्ण देशात भीतीचे वातावरण निर्माण करायचे होते, असे एनआयएने म्हटले आहे. या दोघांनी हत्येची जबाबदारी स्वीकारणारा व्हिडिओ ऑनलाइन पोस्ट केला ज्यामध्ये पंतप्रधान नरेंद्र मोदी (Prime Minister Narendra Modi) यांनाही धमकी दिल्याचे त्यांनी सांगितले.

अधिकाऱ्यांनी सांगितले की, एजन्सी या प्रकरणातील आंतरराष्ट्रीय संबंधांच्या पैलूची चौकशी करत आहे. ते पुढे म्हणाले की, प्राथमिक तपासातही कन्हैयालालच्या हत्येच्या कटात आणखी लोक सामील असण्याची शक्यता आहे.'

NIA
Udaipur: 'या प्रकरणी कायदा कारवाई करेल', कन्हैया लालच्या निर्घृण हत्येवर ममता बॅनर्जींचं वक्तव्य

एनआयए अधिकार्‍यांनी पुढे असेही सांगितले की, 'हे दोघे आरोपी पाकिस्तानस्थित सुन्नी इस्लामिक संघटनेचे दावत-ए-इस्लामीचे सदस्य होते. त्यांच्यापैकी एक पाकिस्तानमध्ये उपस्थित असलेल्या काही लोकांच्या संपर्कात होता. तथापि, ते म्हणाले की, कोणताही निष्कर्ष काढणे खूप घाईचे होईल.

NIA
Udaipur: पैगंबरांच्या नावावरुन उदयपूरमध्ये हिंदू टेलरची हत्या, वाचा संपूर्ण प्रकरण

त्याच वेळी, कराचीमधून (Karachi) काम करणार्‍या दावत-ए-इस्लामीच्या वेबसाइटनुसार, "ही एक जागतिक गैर-राजकीय इस्लामिक संघटना आहे, जी कुराण आणि सुन्नतचा जगभरात प्रसार करण्याचे काम करते." या संघटनेची स्थापना 2011 मध्ये झाली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com