Udaipur Murder Case: उदयपूरमधील हत्याकांडानंतर पुन्हा एकदा भारतातील इसिसच्या वाढत्या जाळ्याच्या चर्चेला वेग आला आहे. आकडेवारीवर नजर टाकली तर भारतात इस्लामिक स्टेट या दहशतवादी संघटनेचा प्रभाव वाढला आहे. देशातील मुस्लिमांची लोकसंख्या सुमारे 170 दशलक्ष किंवा 170 दशलक्षांपेक्षा जास्त आहे. (Uidaipur Murder Case Is Trailer Know ISIS India Connection How ISIS Terror Factory Growing In India)
दरम्यान, इंडोनेशियानंतर (Indonesia) भारत हा जगातील दुसऱ्या क्रमांकाचा मुस्लिम लोकसंख्या असलेला देश आहे. इथे मुस्लिम लोकसंख्येचा उल्लेख करणे आवश्यक आहे, कारण ISIS दहशतवाद आणि धार्मिक द्वेष पसरवण्यासाठी मुस्लिम तरुणांना लक्ष्य करत आहे. अलीकडच्या घटनांनंतर भारत जिहादी दहशतवादी (Terrorist) संघटनांच्या रडारवर राहीला आहे. त्यामुळे त्याचा धोका आता अनेक पटींनी वाढला आहे, असे म्हटल्यास वावगे ठरणार नाही.
भारत नेहमीच ISIS च्या निशाण्यावर राहिला
भारत नेहमीच ISIS आणि अल कायदाच्या निशाण्यावर राहीला आहे. देशात हिंदू-मुस्लिम यांच्यात अनेकदा हिंसक चकमकी झाल्या आहेत. या दहशतवादी संघटना या हिंसक चकमकींचा फायदा घेतात. द्वेषाचं बिज रोवण्यासाठी ते सर्वतोपरी प्रयत्न करतात. जिहादी कट्टरतावाद आणि दहशतवाद्यांच्या भरतीसाठी दहशतवादी संघटना भारताला लक्ष्य करत असल्याचे नेहमीच दिसून आले आहे.
इस्लामिक स्टेटच्या या यादीत भारताचा समावेश
इस्लामिक स्टेटच्या यादीत भारताचा (India) 19 वा क्रमांक लागतो. इस्लामिक स्टेटने भारताविरुद्ध दहशतवादी गटांशी संगनमत साधले आहे, त्यामुळे देशात ISIS चा धोका वाढला आहे. इस्लामिक स्टेटच्या खोरासान प्रांतात अफगाणिस्तान, पाकिस्तान, भारताचा काही भाग आणि आसपासच्या इतर देशांचा समावेश आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
