Uttar Pradesh: नोएडात कोट्यवधीचा अमली पदार्थ जप्त, 9 परदेशी नागरिकांना अटक!

Uttar Pradesh Crime: उत्तर प्रदेशातील नोएडामध्ये पोलिसांनी एका फॅक्ट्रीवर छापा टाकून ड्रग्ज बनवणाऱ्या रॅकेटचा पर्दाफाश केला आहे. पोलिसांनी घटनास्थळावरुन सुमारे 200 कोटी रुपयांचे ड्रग्ज जप्त केले आहेत.

यासोबतच 9 परदेशी नागरिकांनाही अटक करण्यात आली आहे. पोलीस आरोपींची चौकशी करत आहेत. नोएडाचे पोलिस (Police) आयुक्त लक्ष्मी सिंहही घटनास्थळी पोहोचल्या आहेत.

नोएडा पोलीस बराच वेळ तपासात गुंतले होते

एएनआय न्यूज एजन्सीनुसार, नोएडाचे पोलीस आयुक्त लक्ष्मी सिंह यांनी सांगितले की, आमचे पोलीस, SWAT टीम आणि ग्रेटर नोएडामधील इतर एजन्सी यावर बराच काळ काम करत होत्या. अंमली पदार्थ बनवणारी लॅब पकडली आहे.

या ड्रग्जची किंमत सुमारे 200 कोटी रुपये आहे, याशिवाय मोठ्या प्रमाणात केमिकलही जप्त करण्यात आले आहे. आतापर्यंत 9 परदेशी नागरिकांना (Citizens) अटक करण्यात आली आहे. तपास सुरु आहे.