न्यायमूर्ती सतीश चंद्र शर्मा बनले दिल्ली उच्च न्यायालयाचे नवे मुख्य न्यायाधीश

तेलंगणा उच्च न्यायालयाचे मुख्य न्यायाधीश सतीश चंद्र शर्मा यांची बदली करुन त्यांना दिल्ली उच्च न्यायालयाचे मुख्य न्यायाधीश करण्यात आले आहे.
न्यायमूर्ती सतीश चंद्र शर्मा बनले दिल्ली उच्च न्यायालयाचे नवे मुख्य न्यायाधीश
Delhi High CourtDainik Gomantak

Delhi High Court : देशातील सहा उच्च न्यायालयांना रविवारी त्यांचे मुख्यन्यायाधीश मिळाले. यापैकी पाच न्यायाधीशांना मुख्य न्यायाधीशपदी बढती मिळाली आहे. तर तेलंगणा उच्च न्यायालयाचे मुख्य न्यायाधीश सतीश चंद्र शर्मा यांची बदली करुन त्यांना दिल्ली उच्च न्यायालयाचे मुख्य न्यायाधीश करण्यात आले आहे. केंद्रीय कायदे मंत्रालयाच्या वतीने ट्विट करुन ही माहिती देण्यात आली आहे. सुप्रीम कोर्ट कॉलेजियमने गेल्या महिन्यापूर्वी त्यांच्या नावांची शिफारस केली होती.

मंत्रालयाच्या कायदा विभागाने दिलेल्या माहितीनुसार, दिल्ली उच्च न्यायालयाचे (Delhi High Court) न्यायमूर्ती विपिन सांघी यांना उत्तराखंडचे मुख्य न्यायाधीश बनवण्यात आले आहे. त्याचवेळी मुंबई उच्च न्यायालयाचे (Mumbai High Court) न्यायमूर्ती अमजद ए सय्यद यांची हिमाचल प्रदेशच्या (Himachal Pradesh) मुख्य न्यायाधीशपदी नियुक्ती करण्यात आली आहे.

Delhi High Court
गरीब मुलांसाठी वैद्यकीय सुविधांसह स्वतंत्र गृहनिर्माण केंद्रे स्थापन करा ; दिल्ली उच्च न्यायालय  

दुसरीकडे, मुंबई उच्च न्यायालयाचे न्यायमूर्ती एसएस शिंदे यांना राजस्थान उच्च न्यायालयाचे मुख्य न्यायाधीश बनवण्यात आले आहे, तर गुजरात उच्च न्यायालयाच्या आरएम छाया यांना गुवाहाटी उच्च न्यायालयाचे मुख्य न्यायाधीश करण्यात आले आहे. तेलंगणा उच्च न्यायालयाचे न्यायमूर्ती उज्वल भुईया यांना या उच्च न्यायालयाचे मुख्य न्यायाधीश बनवण्यात आले आहे.

Delhi High Court
ही  गिधाडसारखे काम करण्याची वेळ नाही;  दिल्ली उच्च न्यायालय 

तसेच, 13 मार्च रोजी न्यायमूर्ती डीएन पटेल निवृत्त झाल्यानंतर दिल्ली उच्च न्यायालयात नियमित मुख्य न्यायाधीशांचे पद रिक्त होते. न्यायमूर्ती सांघी हे कार्यवाहक मुख्य न्यायाधीश म्हणून जबाबदारी पाहत होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com