Uttarakhand HC ने फेसबुकला ठोठावला 50,000 रुपयांचा दंड, 'अश्लील व्हिडिओ...'

Uttarakhand High Court: सरन्यायाधीश विपिन सांघी आणि न्यायमूर्ती आर सी खुल्बे यांच्या खंडपीठाने फेसबुकला 16 फेब्रुवारीपर्यंत उत्तर सादर करण्यास सांगितले आहे.
Uttarakhand High Court
Uttarakhand High CourtDainik Gomantak

Uttarakhand High Court: फोटो एडिट करुन अश्लील व्हिडीओ बनवून ते सोशल मीडियावर अपलोड करणे आणि पैसे न दिल्यास ते कुटुंबीयांना पाठवण्याची धमकी देणे या प्रकरणी उत्तराखंड उच्च न्यायालयाने एका जनहित याचिकेवर सुनावणी केली. जनहित याचिकेच्या सुनावणीदरम्यान उत्तर सादर न केल्यामुळे फेसबुकला 50 हजार रुपयांचा दंड ठोठावण्यात आला आहे. सरन्यायाधीश विपिन सांघी आणि न्यायमूर्ती आर सी खुल्बे यांच्या खंडपीठाने फेसबुकला 16 फेब्रुवारीपर्यंत उत्तर सादर करण्यास सांगितले आहे.

या प्रकरणानुसार, हरिद्वारचे रहिवासी आलोक कुमार यांनी जनहित याचिका दाखल केली असून या प्रकरणात आपण स्वत: पीडित असल्याचे म्हटले आहे. वकील अभिजय नेगी यांनी याचिकेद्वारे न्यायालयाला सांगितले की, 'फेसबुकवर (Facebook) लोकांचे बनावट आयडी तयार करुन फ्रेंड रिक्वेस्ट पाठवली जात आहे. काही वेळाने फ्रेंड रिक्वेस्ट स्वीकारल्यानंतर त्यांचा फोटो एडिट करुन अश्लील व्हिडिओ बनवला जात आहेत.'

Uttarakhand High Court
Uttarakhand High Court चा मोठा निर्णय, मूळ निवासी महिलांच्या 30 टक्के आरक्षणाला ब्रेक

आयडी ब्लॉक करण्याची विनंती केली

असाच एक व्हिडिओ याचिकाकर्त्यालाही पाठवण्यात आला होता. याबाबत त्यांनी एसएसपी हरिद्वार, डीजीपी आणि गृह सचिव यांच्याकडे तक्रार केली असता त्यावर कोणतीही कारवाई झाली नाही. त्यांनी आरटीआयमध्ये पोलीस (Police) विभागाला विचारले की, 'उत्तराखंडमध्ये आतापर्यंत अशा किती प्रकरणांमध्ये एफआयआर नोंदवण्यात आला आहे. याप्रकरणी आतापर्यंत 45 पीडितांनी तक्रार केल्याचे त्यांना सांगण्यात आले. हे प्रकरण अद्याप विचाराधीन आहे.'

Uttarakhand High Court
Madras High Court: मद्रास उच्च न्यायालयाचा मोठा निर्णय, मंदिरात मोबाईल घेवून जाल तर...

दुसरीकडे, अशा प्रकारचे अश्लील व्हिडिओ पोस्ट करणाऱ्या लोकांचे आयडी ब्लॉक करण्याच्या सूचना फेसबुकला देण्यात याव्यात, अशी याचिका याचिकाकर्त्याने जनहित याचिकेमध्ये केली आहे. फेसबुक, एसएसपी आणि डीपीजी यांना एक क्रमांक जारी करण्याच्या सूचना द्याव्यात, ज्यामध्ये पीडित त्यांच्या तक्रारी नोंदवू शकतील.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com