ओडिशाच्या दिशेने सरकले चक्रीवादळ, आंध्रामध्ये जोरदार वाऱ्यासह पाऊस, किनारी भाग रिकामा

असानी चक्रीवादळाच्या प्रभावामुळे ताशी 120 किमी वेगाने जोरदार वारे आणि मुसळधार पाऊस पडण्याची शक्यता आहे.
ओडिशाच्या दिशेने सरकले चक्रीवादळ, आंध्रामध्ये जोरदार वाऱ्यासह पाऊस, किनारी भाग रिकामा
Cyclone AsaniDainik Gomantak

Cyclone Asani: बंगालच्या उपसागरावरील चक्रीवादळ असानी 12 किमी प्रतितास वेगाने आंध्र प्रदेश आणि ओडिशा किनारपट्टीकडे सरकत आहे. हवामान खात्यानुसार, असानी चक्रीवादळाच्या प्रभावामुळे ताशी 120 किमी वेगाने जोरदार वारे आणि मुसळधार पाऊस पडण्याची शक्यता आहे. हवामान विभागाच्या (IMD) वादळाचा इशारा पाहता ओडिशा सरकार अलर्टवर आहे. (Cyclone Asani Updates)

हवामान खात्याने काय दिला इशारा?

हवामान खात्याच्या अंदाजानुसार, 10 मेच्या रात्री चक्रीवादळ असानी वायव्येकडे सरकून उत्तर आंध्र प्रदेश आणि ओडिशाच्या किनारपट्टीपासून पश्चिम मध्य आणि लगतच्या उत्तर-पश्चिम बंगालच्या उपसागरात पोहोचण्याची शक्यता आहे. हवामान खात्याने जारी केलेल्या बुलेटिनमध्ये असे सांगण्यात आले आहे की चक्रीवादळ उत्तर-ईशान्येकडे वळू शकते आणि ओडिशा किनारपट्टीजवळ बंगालच्या उपसागराच्या वायव्येकडे सरकू शकते. त्याच वेळी, पुढील 24 तासांमध्ये ते हळूहळू कमकुवत होण्याचीही शक्यता आहे.

आंध्र प्रदेश आणि ओडिशामध्ये जोरदार वादळ

चक्रीवादळाचा प्रभाव ओडिशाच्या किनारी भागात आणि उत्तर आंध्र प्रदेशच्या किनारपट्टीच्या भागात दिसून येईल. दोन्ही राज्यात जोरदार वाऱ्यासह हलका ते मध्यम पाऊस पडण्याची शक्यता आहे. IMD ने ओडिशाच्या किनारपट्टीच्या काही भागात सात ते 11 सेंटीमीटर पावसाचा अंदाज वर्तवला आहे.

Cyclone Asani
Asani Cyclone: 'असनी' चक्रीवादळाच्या पार्श्वभूमीवर ममता बॅनर्जींचा मिदनापूर आणि झारग्राम दौरा लांबणीवर

ओडिशाच्या सर्व बंदरांवर अलर्ट

ओडिशाच्या किनारपट्टीवर रिमोट वॉर्निंग सिग्नल-2 जारी करण्यात आला आहे. याअंतर्गत जहाजांना किनाऱ्याजवळ न येण्याचा इशारा देण्यात आला आहे. त्याचबरोबर मच्छिमारांना पुढील काही दिवस पश्चिम-मध्य आणि लगतच्या दक्षिण बंगालच्या उपसागरात समुद्रात न जाण्याचा सल्ला देण्यात आला आहे.

चक्रीवादळ दरम्यान नुकसान टाळण्यासाठी, ओडिशा सरकारने गंजम, पुरी, जगतसिंगपूर आणि केंद्रपारा जिल्ह्यांमध्ये असे 15 ब्लॉक्स लावले आहेत, जेथे पावसामुळे सामान्य जनजीवन विस्कळीत होण्याची शक्यता आहे तेथिल या 15 ब्लॉकमधील लोकांना सुरक्षितपणे बाहेर काढण्याचे आदेश विशेष मदत आयुक्त पी.के. जेना यांनी जिल्हा दंडाधिकाऱ्यांना दिले आहेत. मुसळधार पावसामुळे कच्च्या घरात राहणाऱ्या लोकांना अडचणींचा सामना करावा लागू शकतो. तिने संबंधित अधिकाऱ्यांना या भागात असलेल्या गर्भवती महिलांना अगोदर रुग्णालयात दाखल करण्यास सांगितले आहे.

Cyclone Asani
'आसानी' चक्रीवादळाने केले रौद्र रूप धारण, या राज्यांना सतर्कतेचा इशारा

चक्रीवादळाच्या प्रभावामुळे तामिळनाडू आणि पुद्दुचेरीमध्येही जोरदार वाऱ्यासह पाऊस पडत आहे. चेन्नई, कांचीपुरम, तिरुवल्लूर, चेंगलपट्टू, विल्लुपुरम, कुड्डालोर, नागापट्टिनम, तिरुवरूर, अरियालूर, पेरांबलूर, तिरुचिरापल्ली, नमक्कल, पुदुकोट्टई, सेलम, धर्मपुरी येथे हवामानाचे स्वरूप बदलले आहे. स्थानिक हवामान विभागाने दिलेल्या माहितीनुसार, इरोड, कृष्णगिरी, थिरुपत्तूर, वेल्लोर, रानीपेट, तिरुवन्नमलाई, थिरुपूर, थेनी, मदुराई, शिवगंगई, विरुधुनगर, रामनाथपुरम आणि लगतच्या भागात पुढील काही तास पावसाचा जोर कायम राहील.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.