पश्चिम बंगाल विधानसभेत मारहाणीचे प्रकरण समोर आले आहे. भाजप आणि तृणमूल काँग्रेसच्या आमदारांमध्ये हाणामारी झाली. मिळालेल्या माहितीनुसार, पश्चिम बंगाल विधानसभेत भाजप आमदार मनोज तिग्गा आणि टीएमसी आमदार असित मजुमदार यांच्यात हाणामारी झाली.
मिळालेल्या माहितीनुसार, शुभेंदू अधिकारी यांच्यासह भाजपच्या (BJP) पाच आमदारांना विधानसभेतून निलंबित करण्यात आले आहे. निलंबित आमदारांमध्ये शुभेंदू अधिकारी, मनोज तिग्गा, नरहरी महतो, शंकर घोष, दीपक बर्मन यांचा समावेश आहे.
बंगाल विधानसभेच्या अर्थसंकल्पीय अधिवेशनाचा आज शेवटचा दिवस आहे. कथित मारहाणीनंतर भाजपचे आमदार (MLA) विधानसभेतून बाहेर पडले. भाजप आमदारांनी आरोप केला आहे की त्यांना बीरभूमवर चर्चा हवी होती.
भाजप आमदार मनोज तिग्गा यांनी विधानसभेच्या बाहेर निदर्शनादरम्यान सांगितले की, टीएमसी (TMC) आमदारांनी त्यांना धक्काबुक्की आ केली. यानंतर भाजपचे आमदार आणि बंगाल विधानसभेतील विरोधी पक्षनेते शुभेंदू अधिकारी यांनी विधानसभेबाहेर घोषणाबाजी केली.
या गदारोळानंतर भाजप नेते मुख्यमंत्री ममता बॅनर्जी यांच्यावर हल्लाबोल करत आहेत. भाजपचे ज्येष्ठ नेते बीएल संतोष यांनी लिहिले की, बंगालच्या राजकारणात नवी घसरण पाहायला मिळाली आहे. ममता बॅनर्जी मुख्यमंत्री झाल्यापासून पातळी घसरत आहे. आज भाजप आमदार मनोज तिग्गा आणि इतरांवर हल्ला करण्यात आला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
