पश्चिम बंगाल, आसाम, तामिळनाडू, केरळ आणि पुदुचेरी येथे आज सकाळी सात वाजता मतदानाला सुरुवात झाली आहे. सकाळपासूनच जवळपास सर्वच ठिकाणी लोकांनी मतदानासाठी रांगा लावलेल्या दिसत आहेत. तामिळनाडूमधील 234, केरळमधील 140 आणि पुदूचेरीच्या 30 जागांसाठी आज मतदान होत आहे, तर आसाममध्ये तिसर्‍या आणि अंतिम टप्प्यात 40 जागांवर मतदान होणार आहे. या चार राज्यात निवडणुका पूर्ण होणार असुन, पश्चिम बंगालमध्ये मतदानाचे अजून पाच बाकी राहणार आहेत. (Voting begins today in four states and one union territory)
पश्चिम बंगालमध्ये आज 31 जागांवर मतदानाची प्रक्रिया सुरू आहे. देशभराचे लक्ष लागून असलेल्या पश्चिम बंगालच्या निवडणुकीचा हा टप्पा खूप महत्वपूर्ण असणार आहे. तर दुसऱ्या बाजूला आज चार राज्ये आणि एका केंद्रशासित प्रदेशातील 475 जागांवर मतदान पार पडणार आहे. तामिळनाडूमध्ये 6.28 कोटींपेक्षा जास्त मतदार आहेत तर 3998 उमेदवार निवडणूक रिंगणात उतरलेले आहेत. आसाम विधानसभा निवडणुकीच्या तिसर्‍या आणि अंतिम टप्प्यात विधानसभेच्या 40 जागांसाठी मतदान सुरू आहे. ज्याठिकाणी मंत्री हिमंता बिस्वा सर्मा यांच्यासह 337 उमेदवारांचे या निवडणुकीत भवितव्य ठरणार आहे. पश्चिम बंगालमध्ये 78.5 लाखाहून अधिक नोंदणीकृत मतदार आहेत, तर 205 उमेदवार निवडणूक लढवता आहेत. तर केरळमध्ये 27 लाख मतदार असून, निवडणुकीच्या रिंगणात 140 उमेदवार उतरलेले आहेत.
पंतप्रधान नरेंद्र मोदी (Narendra Modi) यांनी आसाम, केरळ, पुदुचेरी, तामिळनाडू आणि पश्चिम बंगालमध्ये आज होत असलेल्या विधानसभा निवडणुकीत विशेषत: तरुण मतदारांना विक्रमी संख्येने मतदान करण्याचे आवाहन केले.
काँग्रेस सरचिटणीस राहुल गांधी (Rahul Gandhi) यांनी देखील ट्विट करून मतदान करण्याचे आवाहन केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.