TMC नेते अनुब्रता मंडल यांना 10 दिवसांची CBI कोठडी, प्राणी तस्करी प्रकरणी अटक

Cattle Smuggling Case: प्राण्यांच्या तस्करी प्रकरणी केंद्रीय अन्वेषण विभागाने (CBI) टीएमसीचे बीरभूम जिल्हाध्यक्ष अनुब्रत मंडल यांना 10 दिवसांची कोठडी सुनावली आहे.
Anubrata Mandal
Anubrata MandalDainik Gomantak

Cattle Smuggling Case: प्राण्यांच्या तस्करी प्रकरणी केंद्रीय अन्वेषण विभागाने (CBI) टीएमसीचे बीरभूम जिल्हाध्यक्ष अनुब्रत मंडल यांना 10 दिवसांची कोठडी सुनावली आहे. सीबीआयने अनुब्रत मंडल यांना आज आसनसोल येथील विशेष सीबीआय न्यायालयात हजर केले. सीबीआयने 14 दिवसांची कोठडी मागितली होती, मात्र न्यायालयाने 10 दिवसांची कोठडी दिली आहे. TMC नेत्याला प्राण्यांच्या तस्करीच्या एका प्रकरणात अटक करण्यात आली होती.

दरम्यान, अनुब्रत मंडलला (Anubrata Mandal) न्यायालयात हजर करतानाही लोकांमध्ये संताप दिसून आला. कोर्टाजवळ जोडे दाखवत लोकांनी 'चोर, चोर'च्या घोषणा दिल्या. आज सकाळी सीबीआयची एक टीम टीएमसीचे (TMC) बीरभूम जिल्हाध्यक्ष मंडल यांच्या घरी पोहोचली. तासाभराच्या चौकशीनंतर सीबीआयने मंडल यांनी अटक करण्यात आली. केंद्रीय दलाच्या कर्मचार्‍यांसह आठ अधिका-यांचे CBI पथक सकाळी 10 च्या सुमारास मंडल यांच्या निवासस्थानी पोहोचले होते. तपासाचा भाग म्हणून शोध मोहीम सुरु केली.

Anubrata Mandal
Video: मिथुन चक्रवर्तींचा मोठा दावा, 'TMC चे 38 आमदार भाजपच्या संपर्कात'

दोनदा समन्स पाठवले, सादर केले नाही

यापूर्वी, तृणमूल नेते अनुब्रत मंडल हे प्रकृती अस्वास्थ्याचे कारण देत दोनदा केंद्रीय तपास यंत्रणेसमोर हजर झाले नव्हते. अनुब्रत मंडल यांना अटक केल्यानंतर सीबीआय अधिकाऱ्याने सांगितले की, "प्राणी तस्करी घोटाळ्याच्या तपासात सहकार्य न केल्याबद्दल आम्ही त्यांना अटक केली आहे. या घोटाळ्यात मंडल यांचा थेट सहभाग असल्याचे आढळून आले आहे. मंडल यांची चौकशी करुन कायद्यानुसार आवश्यक कारवाई करु."

Anubrata Mandal
Kaali Poster Controversy: TMC खासदार महुआ मोईत्राविरोधात FIR दाखल

तृणमूल नेत्याच्या निकटवर्तीयांवरही छापे टाकण्यात आले

ते पुढे म्हणाले की, 'अनुब्रत मंडल यांना अटक करण्यापूर्वी सीबीआयने नोटीस बजावली होती. त्यांचे अंगरक्षक सहगल हुसैन यालाही केंद्रीय एजन्सीने अटक केली आहे. तपास यंत्रणेच्या अधिकाऱ्यांनी तृणमूल नेत्याच्या अनेक निकटवर्तीयांच्या निवासस्थानांवरही छापे टाकले आहेत. मंडल यांची सीबीआयने यापूर्वी दोनदा चौकशी केली आहे.'

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com