"अमित भाई, आप पहले दिल्ली संभालो फिर बंगाल का देखेंगे"

West Bengal Chief Minister Mamata Banerjee said First tackle Delhi then think of Bengal
West Bengal Chief Minister Mamata Banerjee said First tackle Delhi then think of Bengal

कोलकता: पश्चिम बंगालच्या मुख्यमंत्री ममता बॅनर्जी यांनीही कृषी कायद्याबाबत मोदी सरकारवर निशाणा साधला आहे. "आम्ही शेतकऱ्यांच्या पाठीशी आहोत आणि हे तीनही कृषी कायदे मागे घ्यायला पाहिजे," असे त्यांनी म्हटले आहे. ममता सरकारने कृषी कायद्याचा निषेध करण्यासाठी आणि हे कायदे रद्द करण्यासाठी विधानसभेचे दोन दिवसीय विशेष सत्र बोलावले आहे. या कायद्यांविरोधात येथे प्रस्ताव ठेवण्यात आला. ममता यांनी कृषी कायदे आणि दिल्लीतील आंदोलन आणि  हिंसाचाराबद्दल मोदी सरकारवर जोरदार निशाणा साधला आहे.

कृषी कायद्याविरोधात विधानसभेत सादर केलेल्या प्रस्तावातील चर्चेदरम्यान ममता म्हणाल्या की, "दिल्लीतील परिस्थिती पोलिस हाताळू शकले नाही. जर असेच बंगालमध्ये झाले असते तर अमित भैय्याने, "काय झाले? याचा आम्ही तीव्र निषेध करतो." असे म्हटले असते. असे म्हणत त्यांनी अमित शाहा यांच्यावरही टीका केली आहे. तुम्ही एकतर कायदा मागे घ्या किंवा खुर्ची सोडा,"असे ममता यांनी म्हटले आहे.

ममता पुढे म्हणाल्या की, "आम्ही शेतकऱ्यांच्या पाठीशी आहोत आणि हे कायदे मागे घ्यावेत अशी आमची इच्छा आहे. हे कायदे जबरदस्तीने पारित केले गेले आहेत. मोदी सरकारने दिल्लीतील हिंसाचार अत्यंत वाईट पद्धतीने हाताळला, तेथे घडलेल्या घटनांसाठी पूर्णपणे भाजपाच जबाबदार आहे. "तेव्हा तूम्ही आधी दिल्ली सांभाळा, त्यानंतर बंगालचा विचार करा," असे वक्तव्य मुख्यमंत्री ममता बॅनर्जी यांनी केले आहे.

दरम्यान काँग्रेस नेते पी. चिदंबरम यांनीही दिल्ली आणि तेथे घडलेल्या हिंसाचारासाठी भाजप आणि अमित शाहा यांना जबाबदार ठरवले होते. ते म्हणाले की लाल किल्ल्यावर चढून निदर्शने करणारे भाजपचे एजंट होते. याला अमित शाहा जबाबदार आहेत, त्यामुळे कॉंग्रेसने त्यांच्या राजीनाम्याची मागणी केली आहे. या घटनेस प्रकाश जावडेकर यांनी कॉंग्रेसचे माजी अध्यक्ष जबाबदार आहे असे म्हटले असता, चिदंबरम यांनी, 'मिस-इंफोरमेशन एंड ब्रॉडकास्टिंग मिनिस्टर’ यांना गांभीर्याने घेण्याची गरज नाही.' असे प्रतिउत्तर दिले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com